سەرنووچە:

ئەرسەلان بایز ڕەخنە ل نێچیرڤان بارزانی گرت

فۆتۆ: 
2019-06-17

1983 جار خوێندراوەتەوە

لسەر گوتارا دەستبکاربوونێ وەک سەرۆکێ هەرێمێ، ئەرسەلان بایز ئەندامێ مەکتەبا سیاسى یا یەکێتیێ رەخنە ل نێچیرڤان بارزانى گرت و دبێژیت، نە حەقى کریە .

ئەرسەلان بایز د نڤیسینەکێ دا کو ل رۆژنامەیا کوردستانا نوو بەلاڤبوویە، سەروکێ نوو یێ هەرێمێ جودا ژ حزبا خۆ، قوربانى و ماندووبونا هەموو ئالی و پێکهاتەیێن دی یێن کوردستانێ پشتگوهـ خستیە و ئەو چجاران چاڤەرێ ڤێ یەکێ نەبوون .

ئەندامێ مەکتەبا سیاسى یا یەکێتیێ بەحسا نێچیرڤان بارزانی کریە و نڤیسیە، "ب گۆڕێ ڕەحمەتیێ بابێ تە ئارامیا ١٥ سالێن دەربازبوویی ل کوردستانێ، ئێکڕێزى و تەباهى لهەمبەر سیاسەتێن عێراق و دەردورێن وێ، ئارامی و ئاڤەدانکرنا کوردستانێ بێ هەڤکاریا یەکێتى و دەستپێشخەریا راستە راست یا تەلەبانى چێنەدبوو .

دیارکریە ژی، حەق بوو د گوتارێ دا دلێ تە وەک سەروکێ هەرێمێ، هەموو حزب و ئالیێن کوردستانێ یێ مەزن بووایە و تە پێ خۆ لسەر هندەک گازندەیان تەحساندبایە و د گوتارا دەستبکاربوونێ دا رەنگ ڤەدابا.

هیڤی ژی خواست، بەشەک ژ گوتارا  نێچیرڤان بارزانى، بەرنامێ کاڕێ چار سالێن بهێت نەبیت .

د داویا نڤیسینا خۆدا ئەرسەلان بایز دایەزانین، "سەرۆک تە بێ وەفایی کر، تە نەحەقی کر، بەریا هەموو کەسان دەرحەقی تە بخۆ و پشتڕا گازندە دەربارەی تاڵەبانی بیت.

س.م