سەرنووچە:

مەسرور بارزانى: دێ یەکێتى ب رێکەفتنا ناڤبەرا مە پێگیربیت

گۆتوبێژێن پێکئینانا حکومەتێ
فۆتۆ: 
2019-06-17

341 جار خوێندراوەتەوە

جڤینا مەسرور بارزانى دگەل یەکێتیێ داوى هات و راگەهاند، دێ یەکێتى ب رێکەفتنا ناڤبەرا مە پێگیربیت.

مەسرور بارزانی یێ ئەرکدار بۆ پێکئینانا حکومەتێ پشتى جڤینێ دگەل شاندا یەکێتیێ ل مەکتەبا سیاسى یا یەکێتیێ ل سلێمانیێ راگەهاند، " یەکێتیا نیشتیمانى دێ پێگیرى رێکەفتنا مە بیت".

هەڤدەم عیماد ئەحمەد ئەندامێ مەکتەبا سیاسى یا یەکێتیێ ژى راگەهاند، "ئەڤە یەکەم جار نینە وەکى یەکێتى بەشداریا کابینەیێن حکومەتێ بکەین و چەند جارێن دى ژى ئەم پشکداربووینە و دێ پشکداربین".

هەڤدەم نووچەگەهانێ ئێن ئار تى راگەهاند، یەکێتیێ چ سیڤیێن بەربژارێن وەزیرێن خۆ نەدانە مەسرور بارزانى بۆ پشکداریکرنا کابینەیا نوو یا حکومەتێ.

دوھی مەسرور بارزانی سەرەدانا ئالیان دەستپێکر و دگەل مەکتەبا سیاسی یا پارتی، ب مەرەما وەرگرتنا سیڤی و ناڤێ بەربژێرێن وەزارتان بۆ پێکئینانا حکومەتێ جڤیا.

١٢ێ ڤێ مەھێ مەسرور بارزانی ژ ئالیێ نێچیرڤان بارزانی سەرۆکێ ھەرێمێ بۆ پێکئینانا حکومەتێ د دەمێ ٣٠ڕۆژان دا ھاتە ئەرکدارکرن، لێ ھەیا نھا نەزەلالە دێ شێت ل وی دەمی دا حکومەتێ پێکبینیت یان نە، ھەر چەند تەکەز ل وێ یەکێ کر کو بزاڤا وێ یەکێ دکەت بەریا وی دەمی ناڤێ وەزیران پێشکێشی پاڕلەمانی بکەت.

س.ع