سەرنووچە:

​وەزارەتا پەروەردێ دێ چەند نمرەیان ب قوتابیان دەت

فۆتۆ: 
2019-06-17

625 جار خوێندراوەتەوە

وەزارەتا پەروەردە دەرئەنجامی وان بریاران راگەهاند، کو لیژنەک پێکئینابوو لسەر وانەیێن بیرکارى و کوردى و عەرەبى.

سامان سیوەیلی پەیڤدارێ وەزارەتا پەروەردە یا حکومەتا هەرێما کوردستانێ د کۆنفرانسەکێ رۆژنامەڤانى دا ئەڤرۆ یەکشەمبیێ راگەهاند، " د وانا کوردیێ دا پرسیارا چاردێ رەئیێن جوودا لسەرن، ژ بەر وێ یەکێ دێ دوو نمرەیان  دێ ب قوتابیان هێنە دان ، دەربارێ پرسیارا یەکێ ژى د هەمان بابەتى دا ، دوو بەرسڤێن راست دهێنە دانان ، کو پێکدهێن ژ بەرسفێن و B هەر یەک دیار کربیت ، ڤێ ژى دێ دوو نمرە پێ هێنە دان ، خوشبەختانە زێدەتر هزار قوتابیان ل کوردیێ ١٠٠ ئینایە".

دەربارێ وانا بیرکاریێ گوت، " هندەک گازندە هەبوون، زێدەتر ژ هزار و ١٠٠ قوتابیان ١٠٠ د وانا بیرکاریێ ئینانە، هەڤدەم د وانا عەرەبیێ دا کو تێبینى لسەر بوون ، لسەر پرسیارا ١٥ێ و ٣٧ ل گرۆپێ  دی دوو نمرە ب قوتابیان هێنە دان ب هەر ئاوایەکی بەرسڤ دابیت، هەروەسا د پرسیارێن ٢ و ٢١ بەرسڤێن A-B   ب راست دهێنە دانان، هەروەسا پرسیارا ٢٣ هەلبژارتنێن A-D دێ براست هێنە دانان، هەر یەکێ ئەڤ بەرسڤە دابن دی دوو نمرە بۆ هێنە دان، دوور ژ ڤێ پرۆسە یا سەرکەفتى بوو".

پەیڤداری وەزارەتا پەروەردێ راگەهاند ژى ، د ئەزموونێن پۆلا ١٢ێ ئامادەیى دا ١١٥ هزار و ٩٤٥ قوتابى و پۆلا ٩ێ بنەرەتى ژى  دا ١١٨ هزار و ٣٨٣ قوتابیان بەشدارى کرینە، هەروەسا ٢٧ هزار ماموستا و رێڤەبەران سەرپەرشتیا پرۆسەیێ کرنە.

پشکەکا قوتابیان بەحسا وێ یەکێ دکەن، شاشیێن تایپ و رێزمانی د ئەزموونێن پۆلا ١٢ێ ئامادەیێ دا هەبوون د هندەک ئەزموونان دا پرسیارێن دەرەکى بۆ هاتینە.