سەرنووچە:

ئەندامەکێ سەرکردایەتیا یەکێتى مەرجێ بەشداریکرنێ د حکومەتا هەرێمێ دا ئاشکرا کر

فۆتۆ: 
2019-06-16

791 جار خوێندراوەتەوە

ئەندامەکێ سەرکردایەتیا یەکێتیێ راگەهاند، بێ چارەسەرکرنا پرسا کەرکوکێ ب چ ئاوایەکێ بەشداریا پێکئینانا حکومەتێ ناکەین.

سامان گه‌رمیانى د پەیجێ تایبەتێ خۆ د تۆرا جڤاکیا فیسبووکێ راگەهاند، ب چ ئاوایەکێ یەکێتى ئامادە نینە بەشداریێ د پێکئینانا حکومەتا هەرێمێ دا بکەت هەیا کو پرسا کەرکوکێ نەهێتە چارەسەرکرن.

هەروەسا گوت، ئەو بریارا سەرکرداتیا یەکێتیە و پرانیا وان ئیمزا لسەر کریە.

لگۆر زانیاریێن ئێن ئار تى، یەکێتى چاڤەرێى موبادرەیا شانێ پارتیە بۆ سلێمانیێ  دەربارێ دیارکرنا کەسەکێ بۆ پارێزگارێ کەرکوکێ پشترا دێ بریارێ ل سەر بەشداریکرنا پێکئینانا حکومەتا هەرێمێ دا کەن.

هەڤدەم، مەسرور بارزانی پشتی جڤینا دگەل مەکتەبا سیاسیا پارتی ل پیرمام د کۆنفرانسەکا ڕۆژنامەڤانی دا ڕاگەهاند، پێشتر لهەڤهاتن دەربارەی چاوانیا پارڤەکرنا وەزارەتان هاتیەکرن و د نها دا دێ سیڤیێن بەربژارێن ئالیان وەرگرن بۆ پۆستان، هەیا کو د دەما دەستنیشانکریا خۆ دا بکارن کابینەیا نوو پشکێشی پەرلەمانی بکەن.

گوت ژى ، دێ د دوو رۆژین دى دا سەردانا سلێمانیێ کەت و دگەل یەکێتى و گۆڕانێ دا جڤیت بۆ پێشکێشکرنا ناڤێن بەربژێران بۆ پۆستێن حکومەتێ.

م.س