سەرنووچە:

سەیرترین ئاوایێن بدارڤەکرنێ ل کوریا باکور

فۆتۆ: 
2019-06-16

846 جار خوێندراوەتەوە

سیستەمێ دەستهەلاتا کوریا باکور ب ئاوایەکێ یە کو هەر کەسێ دژى ب ڕاوەستیت یان خیانەتێ لێ بکەت یان سەرۆکێ ولاتى نەڤێت ب دژوارترین ئاوا بهێتە سزادان.

 ڕۆژنامەیا دەلی میرەر یا بەریتانى بەلاڤکر، فەرماندەیکێ بلند یێ سوپایی ناڤێ وى نەئینایە ب ئاوایەکێ دهێتە بدارڤەکرن کو وەکى بدارڤەکرنا د ناڤ فلمێ جیمس بۆندە ل سالا ١٩٧٧ یە.

دازانین ژى، پشتى دەستەسەرکرنێ فەرماندەیێ سەربازى کو ب کودەتایا سەربازى هاتیە تومەتبارکرن کرن، کریە د ناڤ حەوزەکا ئاڤێ دا کو یا تژی بوو ژ ماسیێن " ئەلبیرانا" کو ئاژەلەکی زوور درندەیە هەیا ب ددانێن خۆ یێن تیژ وى فەرماندەیی بکوژیت.

بەحس ژى کر، ئەو فەرماندە هەر بتنێ ب وى ئاوای نەهێلا، بەلکى هەردوو دەستێن وى ژێڤەکرنە  کو دەما ئەو ماسی هێرش دکەنێ نەشێت بەرەڤانیێ ل خۆ بکەت.

هەڤدەم جۆن هێمینگس شارەزایێ کارۆبارێن ئاسیایێ راگەهاند، د سیستەمێن دکتاتورى دا ئەو ئاوایێن بدارڤەکرنێ دهێنە چاڤەرێکرن کو وەکى ڕاهینانەکا پێدڤی بۆ وان لێهاتیە بۆ وی چەندی کو بەردەوام بهێز د دەستەهەلاتی دا بمینن.

ل سالا ٢٠١٧ێ هی هیۆن لیم بەرپرسێ بلند جوودابوون ل کوریا باکور راگەهاند، د یەک ژ بوویەران دا بەرهەڤی بدارڤەکرنا ١١ هونەرمەندێن سترانبێژ ب تومەتا پشکداری کرن د بەرهەڤکرنا سترانەکا سیکسی دا کو ب ڕێکا موشەکا دژى بالافر بدارڤەکرن.

هەڤدەم د نیسانا سالا دەرباسبووى دا ئاژانسا نووچەگەهانى یا ژاپونى بەلاڤکر، چار بەرپرسێن بلند یێن کوریا باکور ب قورقوشمى بدارڤەکرنە، تومەتا وان ژى ئەو بۆ کو بەرپرس بوون د شکەستنا کوپیتکا دووی یا د ناڤبەرا کیم جون ئون سەرۆکێ کوریا باکور و دونالد ترەمپ سەرۆکێ ئەمریکا دا کو ل ڤیتنامێ برێڤەچبوو.

ئاوایەکێ دى یێ ب  دارڤەکرنێ  ل کوریا باکور تاوانبارى د هاڤیژنە هەمبەرى چەند سەیان.

ئاوایەکێ دى یێ ب دارڤەکرنا و کوشتنا وان کەسانە ئەوێن کو دەستهەلاتا کوریا باکور ب مەرەما ژەهراویکرینێ، وەکى کوشتنا کیم کیۆنگ هوى ژنا مامێ سەرۆکێ کۆریا باکور ژبەر کو ڕەخنەیەک ژ سەرۆکێ کوریا باکور گرتبوو ب ئاوایێ کوشتنا زەلامێ وێ کو مامێ وى ب خۆیە.

هەر ب وى ئاوایی کیم جون نام برایێ سەرۆکی کوریا باکور هاتە تیرۆر کرن ل بالافرخانا کوالالامپورى پایتەختى مالیزیا، د دەما گەشتکرنێ دا، لی پیۆنگیانگ ڕەتکر کو وى دەست د وى کارى دا هەبیت.

کوریا باکور یەکە ژ ولاتێن زوورترین ڤەقەتیان دگەل جیهانێ هەی و داوى ئاوایێ کێمترین سزایێ بدارڤەکرنێ، ئەو ژى شەوتاندنە ب ئاگرى .

م.ن