سەرنووچە:

ئاکرێ.. د بوویەرەکا ترافیکێ دا دوو کەسان جانێ خۆ ژ دەستدان

 سێ یێن دی ژی ب گرانی برینداربوون
فۆتۆ: 
2019-06-12

1660 جار خوێندراوەتەوە

دیجیتال میدیایا ئێن ئاڕ تی، ئاکرێ، شکیران زێباری

ل ئاکرێ بسەدەما وەرگەریانا تڕۆمبێلەکێ دوو کەسان جانێ خۆ ژ دەستدان، سێ یێن دی ژی ب گرانی برینداربوون.

ڕێکەفت زوهێر بەرپرسێ ڕاگەهاندنا هاتنوچوونا ئاکرێ بۆ دیجیتال میدیایا ئێن ئاڕ تی ڕاگەهاند، ئێڤاریا ئەڤرۆ چارشەمبیێ (١٢ێ هەزیرانا ٢٠١٩) لسەر ڕێکا ناڤبەرا ناحیەیا قەسرۆک – قەزا ئاکرێ ل نێزیک گوندێ خەلیلکان تڕۆمبێلەک ژ جۆرێ تویوتا پیکاب وەرگەریا و د ئەنجامێ دا دوو کەسان جانێ خۆ ژ دەستدان.

هەڤدەم دیدەڤانەکێ ل جهێ بوویەرێ بۆ دیجیتال میدیایا ئێن ئاڕ تی دازانین، زێدەباری جان ژ دەستدانا دوو کەسان، سێ کەسێن دی ژی کو د هەمان تڕۆمبێل دا بوونە ب گرانی برینداربوونە، زرارێن زێدە بەر ب تڕۆمبێل کەفتنە.

بسەدەما خرابیا ڕێک و پران و پێگیرنەبوونا شۆفێران ب ڕێنمایێن هاتنوچوونێ، بوویەرێن هاتنوچوونێ ب ئاوایەکێ بەرچاڤ ل هەرێما کوردستانێ زێدەبوونە، حەفتیا دەربازبوویی ل پارێزگەها دهۆکێ د بوویەرەکا هاتنوچوونێ دا ل سەر رێیا د ناڤبەرا قەزا شێخان ـ باعەدرێ پێنج کەسان جانێ خۆ ژ دەستدان و دوو کەس ژى برینداربوون.

س.م