سەرنووچە:

سەرۆکێ هەرێمێ مەسرور بارزانى بۆ پێکئینانا حکومەتا نوو یا هەرێمێ راسپاراد

پرسا پێکئینانا حکومەتا نوو
فۆتۆ: 
2019-06-12

314 جار خوێندراوەتەوە

کێمەک بەریا نها نێچیرڤان بارزانى سەرۆکێ هەرێمێ، مەسرور بارزانى بۆ پێکئینانا حکومەتا نوو یا هەرێمێ راسپراد.

پشتى راسپاردنێ بۆ کابینەیا حکومەتێ ، مەسرور بارزانى راگەهاندنەک بەلاڤکر و تێدا هاتیە، " دێ بزاڤێ کەم ب هاریکاریا وان ئالیێن بریاداى بەشداریێ د کابینەیا نوو دا بکەن، د دەما هاتیە دیارکرن، پێکهاتەیا کابینەیا نوو بێخمە هەمبەر پارلەمانێ کوردستانێ".

سەرۆکێ هاتیە راسپاردن یێ حکومەتا هەرێما کوردستانێ د راگەهاندنەکێ دا ئاماژە ب وێ یەکێ کریە، " سوپاسیێ ئاراستەى پالەمانێ کوردستان و هەمى فراکسیۆنان دکەم بۆ هەلبژارتنا من ، و سوپاسیا سەرۆکێ هەرێمێ دکەم بۆ راسپاردنا من بۆ پێکئینانا کابینەیا نوو یا حکومەتا هەرێما کوردستانێ".

ئاماژە ب وێ یەکێ ژى کر، دێ بزاڤێ کەت ب هاریکاریا وان هەمى ئالیێن بریارا بەشداریکرنێ دایە ، د دەما هاتیە دیار کرن پێکهاتەیا کابینەیا نوو بێخیتە هەمبەر پارلەمانێ کوردستانێ ، ژ بۆ کو زووترین دەم خزمەتەکا هەژى پێشکێشى گەل و نیشتیمانێ خۆ دەستپێبکەین.

پشتى دەربازبوونا هەشت مەهـ و نیڤان ب سەر هەلبژارتنا ، بەربژارێ پارتى بۆ پێکئینانا کابینەیا نەهەم ژ ئالیێ پارلەمانێ کوردستانێ ڤە ب ٨٧ دەنگان هاتە دیار کرن.

 مەسرور بارزانى کو جهێ نێچیرڤان بارزانى گرتیە، باوەریا پارلەمانتارێن پارتى و یەکێتى و گۆڕان و سۆسیالیست و پێکهاتەیێن دى دەستڤەئینان.

م.س