سەرنووچە:

چەمانکێ : ل دژى بەردەوامیا بۆمبەبارانا بالەفرێن تورکیا خونیشاندانەک هاتە ئەنجام دان

داخوازا راوەستاندنا بۆمبەبارانان کرن
فۆتۆ: 
2019-06-12

653 جار خوێندراوەتەوە

دیجیتال میدیایا ئێن ئار تى، ئامێدى، نیهاد ئورەمارى

ئەڤرۆ ل ناحیا چەمانکێ یا سەر قەزا ئامێدیێ ل دژى بەردەوامیا بۆمبەبارانا بالەفرێن تورکیا خوەنیشاندانەک هاتە ئەنجام دان.

نووچەگەهانێ دیجیتال میدیایا ئێن ئار تى راگەهاند، ئەڤرۆ رۆژا چارشەمبیێ ١٢ێ هەزیرانا ٢٠١٩ێ  ل پێشیا ناحیا چەمانکێ  دژى بەردەوامیا بۆمبەبارانا بالەفرێن تورکیا و هەبوونا چەکدارێن پەکەکێ خوەنیشاندانەک هاتە ئەنجام دان و داخواز کرن بۆمبەباران و تۆبارانێن ئارتێشا تورکیا ل سەر گوندێن وان بهێنە راوەستاندن.

هەروەسا دازانین، ژبەر بەردەوامیا بۆمبەبارانا بالەفرێن تورکیایێ خەلکێ دەڤەرێ نەشێن قەستا زەڤى و باخێن خۆ بکەن و ئەڤ یەک دێ بیتە سەدەما چوولکرنا گوندان.

زەلال ژى کر، وەلاتیێن وێ ناحیێ داخواز ژ ئالیێن پەیوەندیدار کرن کو بێدەنگ نەبن ل هەمبەر ڤێ دەستدرێژى و سنور بەزاندنا ئارتێشا تورکیا ژ بەرکو دبیتە سەدەما ژناڤچوون و تێکدانا ژینگەها وێ دەڤەرێ.

م.س