سەرنووچە:

د دەمێ تەماشەکرنا تەلەفزیۆنێ دا نڤستنێ چ زرار لسەر ئافرەتێ هەیە؟

فۆتۆ: 
2019-06-12

388 جار خوێندراوەتەوە

نووترین ڤەکۆلینا زاسنتی دیارکر،ل دەمێ تەماشەکرنا تەلەفزیۆنێ دا، نڤستنێ زرارێن زێدە یێن ساخلەمی لسەر ئافرەتان دا دروست دکەت ب تایبەت قەلەویێ.

ڤەکۆلین ژ ئالیێ ڕۆژنامەیا میترۆ یا بەریتانی هاتیە بەلاڤکرن و کو تێدا هاتیە، ئەو تیشکا ب شەڤ ل شاشەیێ تەلەفزیۆنێ بەر لەشی و چاڤی دکەڤیت، سەدەمن بۆ زێدەبوونا کێشا لەشی و پشتی دەربازبوونا پێنج سالان ژی دبیتە سەدەما قەلەویێ.

ڤەکۆلین د خولا" جاما ئینتەرنال مێدیسن" هاتیە بەلاڤکرن، کو نێزیکی  ٤٤ هزار ئافرەت تێدا پشکداربوون، کو تەمەنێ وان د ناڤبەرا ٣٥ بۆ ٧٤ سالیێ دابوویە.

ڤەکۆلەرێن پەیمانگەها نیشتیمانیا  ئەمریکی بۆ زانستێ ساخلەمیا ژینگەهێ ڕاگەهاند، ئەو تیشکا کو دناڤ ژوورێ دایە دبیتە جۆرەک ژ جۆرێن قەلەویێ.

لگۆری ڤەکۆلینێ، زێدەتر ئافرەت تووشی قەلەویێ دبن ژبەر کو زێدەتر ل دەمێ تەماشەکرنا تەلەفیۆنێ دا دنڤن، کو ڕێژەیا وێ دگەهیتە ١٧%، زێدەتر تووشی قەلەویێ دبن و د دەمێ یەک سالێ دا زیدەتر ژ پێنج کیلۆگرام کیشا وان زێدە دبیت.

د ئەنجاما ڤەکۆلینێ دا هاتیە، ٢٢% ئافرەتان ب  سەدەما وان سەرەدەریان ڕووبڕوویێ زێدەبوونا کێشا لەشی دبن، ئەڤە ژی د دەمەکێ دایە ٣٣% ب وێ سەدەمێ تووشی قەلەویێ دبن.

س.ع