سەرنووچە:

ل پاڕلەمانێ عێراقێ ئیمزا بۆ گۆهڕینا شێوازێ هەلبژارتنا سەرۆک وەزیران هاتنە کۆمکرن

فۆتۆ: 
2019-06-12

309 جار خوێندراوەتەوە

هەڤپەیمانیا فەتح ل پاڕلەمانێ عێراقێ دەستپێکرنا هەوەکا کۆمکرنا ئیمزایێن پەڕلەمانتاران ڕاگەهاند، ب ئارمانجا گۆهرینا ماددەیەکا دەستورێ و هەلبژارتنا سەرۆک وەزیران ژ ئالیێ خەلکی ڤە ب ئاوایەکێ ڕاستەوخۆ.

محەمەد دەراجی پەڕلەمانتارێ وێ هەڤەپەیمانیێ د کۆنفرانسەکا ڕۆژنامەڤانی  د ئاڤاهیا پاڕلەمانی دا ڕاگەهاند، ئەو هەوە بۆ گۆڕانکاری کرنێ یە د دەستورێ داو ب تایبەت ماددەیا (٧٦)  بهێتە گۆهڕین ب ئاوا یەکێ ڕاستەوخۆ کو سەرۆک وەزیران دناڤ خەلکێ دا بهێتە هەلبژارتن، دەمێ ٣٠ ڕۆژان ژی بۆ بهێتە دیارکرن بۆ پێکئینانا حکومەتێ، هەر ب وێ مەرەمێ ژی ئیمزا هاتینە کۆمکرن و بێی کو هژمارا ئیمزایان بهێت ئاشکراکرن.

دازانین ژی، ئارمانج ژ گۆهرینا وێ ماددێ داویئینانە ب وێ ئەزموونا کو چەندین سالە ل عێراقێ هەیە و سەرۆک وەزیران  ب ڕێکەفتن و دابەشکاریێن ئالیێان دهێتە دانان.

ئەڤە ژی د دەمەکێ دایە لگۆر ماددەیا ٧٦ دەستورا عێراقێ بەربژێرێ لیستا زۆرینە یا پاڕلەمانی، ژ ڕوویێ هژمارێڤە ژ ئالیێ سەرۆک کۆماری دهێتە ڕاسپاردن بۆ پێکئینانا حکومەتا نوو ل دەمێ  ١٥ ڕۆژان دا.

س.ع