سەرنووچە:

هۆشیار عەبدولا: سوزێن نێچیرڤان بارزانى هاتینە کۆپیکرن و بجهـ ناهێن

 هەرێم ئێخستە بن ٣٠ ملیار دۆلار قەران
فۆتۆ: 
2019-06-11

750 جار خوێندراوەتەوە

ئەندامەکێ فراکسیۆنا گۆران ل پارلەمانێ عێراقێ راگەهاند، باشترە سەرۆکێ حکومەتێ دانپێدانێ ب شاشیێن خۆ د حکومەتێ دا بکەت کو هەمبەر خەلکێ کوردستانێ کرینە و تەکەز کر سوزێن نێچیرڤان بارزانى هاتینە کۆپیکرن و بجهـ ناهێن.

هۆشیار عەبدۆلا پارلەمانتارێ بزاڤا گۆران د پارلەمانێ عێڕاقێ دا راگەهاندنەک بەلاڤکر و دازانین، سەرۆکێ حکومەتێ د دەما حکومرانیێ دا تشتەک پێشکێش نەکریە کو بۆ وى بهێتە هەژمارکرن، بەلکى کابینەیا نوو یا هەرێمێ ئێخستە بن ٣٠ ملیار دۆلار قەران و قەرێن زێدە یێن فەرمانبەران.

بەحسا وێ یەکێ ژى کر، " حکومەتەک بۆ مە بجهـ هێلا کو ب دەست فەشەلیا دامەزراوەیێ دا دنالیت ب سەدەما دامەزراندنا هەرەمەکیا ب کۆم ، ب جورەکێ ئەو خشتێن حکومەتا هەرێمێ دان پێدان پێکرین  زێدەتر ٢٠ %ێ ئاکنجیێن هەرێمێ د کەرتێن گشتى دا هاتنە دامەزراندن"، ژبلى وێ یەکێ ل سەر دەمێ کابینەیا وى دا هێرش لسەر ئازادیا گشتیا هەرێمێ کریە، د گەل وێ یەکێ دا د ئاهەنگا دەست بکاربوونێ دا پەیامەک هەبوو وەکى کو ئەو خودانێن هەمى باشى و پیرۆزیان بن.

ئەو یەک ژى دادیارکرن، " هیڤیدارم سەرۆکێ هەرێمێ پشتى سویندخوارنا یاسایى دانپێدانێ ب شاشیین خۆ یێن بکارەسات بکەت کو پەیوەندى ب نەبوونا شەفافیەتا داهاتێ نەفت و بەرهەمێن ناڤخۆ و مژارا پاشکەفتێ موچەى هەبوو، زەلال ژى کر" جاددەیا کوردى وەها دبینیت دانانا نێچیرڤان بارزانى وەکى سەرۆکێ هەرێمێ دەستهەلاتا مالباتیێ دێ چەسپینیت".

م.س