سەرنووچە:

ل شنگالێ کەلوپەلێن رۆژنامەڤانیێن تیما ئێن ئاڕ تی هاتن ڕادەستکرن

پشتى هەشت رۆژان
فۆتۆ: 
2019-06-11

293 جار خوێندراوەتەوە

ل قەزا شنگالێ پشتى هەشت رۆژان ژ دەستەسەرکرنا کەلوپەلێن تیما ئێن ئار تى ئەڤرۆ هاتنە رادەستکرن.

نووچەگەهانێ دیجیتال میدیایا ئێن ئار تى راگەهاند، ئەڤرۆ رۆژا سێ شەمبیێ ١١ێ هەزیرانا ٢٠١٩ێ ل قەزا شنگالێ پشتى هەشت رۆژان ژ دەستەسەرکرنا کەلوپەلێن تیما ئێن ئار تى جارەکا دى هاتنە رادەستکرن ب مەرجەکێ کو بێ هایداریا ژۆرا ئۆپراسیۆنا نەینەوا کارنەکەن و بەلگەنامەکێ ژ ئالیێ وان ڤە تژیکەن.

ئەڤە د دەمەکێ دایە، هێزێن عێراقى دەست ب سەر کەلوپەلێن رۆژنامەڤانى یێن تیما ئێن ئارتى ل شنگالێ  دا گرتبوون

هەڤدەم ، بەریا ئازادکرنا تیما ئێن ئارتى داخواز لێ هاتبوو کرن کو دڤێ پەیماننامەکێ تژى بکەن کو جارەکا دى کارێ رۆژنامەڤانیێ ل سنورێ شنگالێ نەکەن ، د دەمەکێ دا مۆلەتا کارکرنێ هەیە.

بەریا سێ رۆژان ژى دەما خواستى بۆ کارەکێ ڕۆژنامەڤانی دەرباسی شنگالێ ببن ل یەک ژ زالگەهان ب هێجەتا نەبوونا مولەتا کارکرنێ ژ ئالیێ ئارتێشا عێراقێ ڤە رێگری لێ هاتبوو کرن.

م.س