سەرنووچە:

کۆنسولێ ئیران: دۆرپێچێن ئەمریکا باندۆرێ لسەر پەیوەندیێن ئیران و هەرێمێ ناکەت

فۆتۆ: 
2019-06-11

150 جار خوێندراوەتەوە

کۆنسولێ ئیران ل هەرێمێ ئاماژە ب وێ یەکێ کر، دۆرپێچێن ئەمریکا لسەر وەلاتێ وان شەرەکێ دەروونییە و چ باندۆرەکێ لسەر پەیوەندیێن ناڤبەرا ئیران و هەرێمێ ناکەت.

مورتەزا عەبادى کۆنسلێ ئیرانێ ل هەرێمێ ب رۆپەلا (جام کوردى) راگەهاند، "پەیوەندیەکا نێزیک و تایبەت ناڤبەرا بازگان و چالاکڤانێن ئابوریێن کۆماریا ئیسلامیا ئیران و هەرێمێ هەیە، " و هیڤى خوازن ب رێیا برێڤەبرنا چالاکیێن بازرگانیێ زێدەتر پەیوەندیێن دگەل هەرێمێ بەرەڤپێشبچن.

بەحسا وێ یەکێ کر، دۆرپێچێن ئەمریکا شەرەکێ دەروونییە و " پشتراستیڤە چ باندۆرەکێ ل سەر پەیوەندیێن بازرگانیێن ناڤبەرا مە و هەرێمێ ناکەت".

ئەو یەک ژى دادیارکرن، " پێشانگەها کۆماریا ئیسلامیا ئیرانێ بریارە ٢١ هەیا کو ٢٥ێ هەزیرانێ ب بەشداریا دەهان کۆمپانیا و ناڤەندێن وەبەرهێنانا ئیرانێ ل باژارێ هەولێرێ بهێتە ڤەکرن، یەکەمین و مەزنترین پێشانگەها بازرگانى یا ئیرانێ ل هەرێمێ .

ئەمریکا چەندین سزایێن ئابورى ب سەر کەرتێن نەفت و هنارتنا وى وەلاتی سەپاندینە.