سەرنووچە:

١٧ پارلەمانتارێن ئیرانێ نامەیەکا نەرازیبوونێ ب خامنەئی دان

فۆتۆ: 
2019-05-26

308 جار خوێندراوەتەوە

دژی سڤکاتیکرن ب سوننەیان لسەر کەنالەکا فەرمی یا دەولەتێ، ١٧ پەرلەمانتارێن ئیرانێ نامەیەکا نەرازیبوونێ بۆعەلی خامنەئی ڕابەرێ کۆمارا ئیسلامی یا ئیرانێ هنارتیە و داخوازا گرتنەبەرا رێکارێن پێدڤی کرنە.

د نامەیێ دا وان پارلەمانتاران دیارکریە، د وی بەرنامەیێ کو بۆ ڕۆژا ژ دایکبوونا حەزرەتێ حەسەن هاتیە بەرهەڤکرن و ب ئاوایەکێ راستەخۆ لسەر کەنالێ فەرمی هاتیە وەشاندن، سڤکاتی ب پیرۆزیێن سوننەیان هاتیە کرن.

زەلالکر ژی،  وان ڕەفتاران سوننە دلگران کرنە، داخواز ژ خامنەئی کرن رێکارێن یاسایی بگریتەبەر و رێنمایان  بۆ رایا گشتی ل ئیرانێ  بەلاڤبکەت.

بەرنامەیێ کەنالا فەرمی یا ئیرانێ ل رۆژا ٢١ ڤێ مەهێ هاتیە وەشاندن، ب هەلکەفتا ژ دایکبوونا حەسەنێ کورێ عەلی ئەبو تالیب یێ نەڤیێ پێغەمبەری سلاڤیت خودێ لسەر بن بوویە، پەرلەمانتار ژی دبێژن سڤکاتی ب خەلیفەیێن ئیسلامێ ئەبوبەکر سەدیق، عومەرێ کورێ خەتابی، عوسمانێ کورێ عەفانی و عائیشەیا هەڤژینا پێغەمبەری هاتیە کرن، دیڤدا ژی کەنالێ داخوازا لێبورینێ ژ سوننەیان کریە.

س.م