سەرنووچە:

ل سوریایێ کچەکا دن یا ئێزدى د دەستێ داعشێ دا هات رزگار کرن

فۆتۆ: 
2019-05-23

398 جار خوێندراوەتەوە

نووچەگەهانێ دیجیتال میدیایا ئێن ئار تى،شنگال، نەزیر شنگالى

ئەڤرۆ ل رۆژئاڤایێ کوردستانێ کچەکا تەمەن ١٩ سالى یا ئێزدى د دەستێ داعشێ دا هات رزگار کرن.

زیاد عەفدال بەرپرسێ مالا ئێزدیان بۆ ئێن ئار تى راگەهاند، کو ئەڤرۆ پێنجشەمبیێ ٢٣ێ گۆلانا ٢٠١٩ێ ل رۆژئاڤایێ کوردستانێ کچەکا تەمەن ١٩ سالى  یا ئێزدى ژ ئالیێ مالا ئێزدیان ڤە ل هەرێما جزیرێ  د دەستێ داعشێ دا هات رزگار کرن.

ئەو یەک ژى دایەزانین، کچا ئێزدیا تەمەن ١٩ سالى ب ناڤێ زینە ئیبراهیم موراد خەلکا کومەلگەها تل بنات یا سەر قەزایا شنگالێ یە و ل کەمپا هۆلا یا رۆژئاڤایێ کوردستانێ هاتیە رزگار کرن.

هەروەسا ئاشکرا کر، کو ژ ئالیێ وان ڤە ٢٦٧ کەسێن ئێزدى بۆ شنگالێ هاتنە هنارتن.

ل تەباخا سالا ٢٠١٤ێ دەما ھێرشا ڕێکخراوا داعشێ بۆ سەر قەزایا شنگال و دەردورا وێ ھەژمارەکا زێدە یا وەلاتیێن ئێزدی ژ ژن، پیر و زەلامان ھاتنە ڕەڤاندن، ھەیا نھا ڕزگارکرنا وان بەردەوامە و ھەژمارەکا زێدە ژی د دەستێن داعش دا مانە.

م.س