سەرنووچە:

نووترین هەلوێستێ ئیرانێ دەربارێ گۆتوبێژێن د گەل ئەمریکایێ دا

فۆتۆ: 
2019-05-23

214 جار خوێندراوەتەوە

ئیرانێ نووترین هەلوێستێ خوە راگەهاند، چ گۆتوبێژەکێ د گەل ئیدارەیا نها یا ئەمریکایێ دا ناکەن.

کەیوان خوسرەوى پەیڤدارێ جڤاتا بلند یا ئاسایشا نەتەوەیا ئیرانێ راگەهاند، سیاسەت و هەلوێستێ ئیرانێ زەلالە سیاسەتا بەرەڤانیکرنێ و بێدەنگیا گەلێ ئیرانێ دەرخستیە.

خوسرەوى راگەهاند، وەلاتێ وان ب چ ئاوایەکێ گۆتوبێژەکێ د گەل ئیدارەیا نها یا ئەمریکایێ ناکەت.

هەروەسا دازانین، ئەو شاند و دیبلۆماتکار سەردانا ئیرانێ کریە بۆ ناڤبەینکاریا هەلوێستێ نەگور یێ تارانێ هاتنە ئاگەهدارکرن ، و رێژەیێ ژى زێدە کریە.

ئەو یەک دیارکر، ب شاندان راگەهاندیە دڤێ هەلوێست و داخویانیێن ئەمریکا و ئەوروپایێ  کریارى بن ل هەمبەر تارانێ و مافێ دەولەتا ئیرانێ بهێتە پاراستن.

داخویانیا خوسرەوى تەنێ مەرەم پێ ئەمریکا نینە، بەلکى وەلاتێن ئەوروپى هەڤپەیمانێن رێکەتنا ئەتۆمیا ئیرانێ نەکو داخواز لێ هاتبوو کرن پێنگاڤان بهاڤێت بۆ رزگاربوونا رێکەتنا ئەتۆمیێ، کو زێدەتر ژ سالەکێ یە ئەمریکا لێ ڤەکێشایە.