سەرنووچە:

پەرلەمانتارەکێ کورد ل دوزگەریا گشتى یا عێراقێ سکالا ل سەر حکومەتا هەرێمێ تۆمار کر

ل سەر پرسا موچەى
فۆتۆ: 
2019-05-23

870 جار خوێندراوەتەوە

ب تۆمەتا بکارئینانا پارەیێ موچەیێ فەرمانبەران بۆ دانا قەران، پەرلەمانتارەکێ کورد ل دوزگەریا گشتى یا عێراقێ سکالا ل سەر حکومەتا هەرێمێ تۆمار کر.

غالب محەمەد ئەندامێ پەرلەمانێ عێراقێ بۆ ئێن ئار تى راگەهاغند، ل سەر دوو مژاران ل دوزگەریا گشتى یا عێراقێ سکالا ل سەر حکومەتا هەرێمێ تۆمار کریە.

هەروەسا دازانین، مژارا یەکەم موچەیێ فەرمانبەرانە کو بەغدایێ چار موچە هنارتینە، لێ هەرێمێ تەنێ دوو موچە پارڤەکرنە و پارەیێ دن دایە قەران کو ئەو کارەکێ نەیاساییە و دڤێ ئەو پارە ب فەرمانبەران بهێتە دان.

گوت ژى، سکالایا دوویێ ل سەر ڤەگوهاستنا کەسەکێیە ب ناڤێ ئەبوبەکر حامد عەبدوڵا ل دوزگەریا گشتى یا هەولێرێ بۆ قەزایا خەبات کو ناڤبرى داخوازا مافێ خەلکى ژ حکومەتێ کربوو.

غالب محەمەد تەکەز کر، ئەگەر دوزگەریا گشتى کارى ل سەر وان دوو سکالایان نەکەت، دێ ل دادگەها فیدرالیێ سکالایێ ل سەر حکومەتا هەرێمێ تۆمار کەت.

د دەما دەربازبووى دا حکومەتا بەغدایێ چار موچەیێن فەرمانبەرێن هەرێمێ هنارتنە لێ هەیا نها تەنێ موچەیێ دوو مەهان ب بێ پاشکەفت هاتیە پارڤەکرن و حکومەتێ ژ وى پارەى قەرێن کۆمپانیایان پێ دانە.