سەرنووچە:

ئەندامەکێ جڤاتا بلند یا نەوەى نوێ: ئەگەر شاسوار عەبدولواحید و نەوەى نوێ پشکداری حکومەتێ ببون نها د زیندانێن تاکەکەسی دا نەدبوو

فۆتۆ: 
2019-05-23

204 جار خوێندراوەتەوە

ئەندامەکێ جڤاتا بلند یا نەوەى نوێ راگەهاند، ئەگەر شاسوار عەبدولواحید و نەوەى نوێ پشکداری حکومەتێ ببون یەکێتى و پارتى ئەوا نها د زیندانێن تاکەکەسی دا نەدبوو.

دۆستى ئەحمەد ئەندامێ جڤاتا بلند یا نەوەى نوێ راگەهاند، دەمیرتاش د زیندانێن تورکیایێ دا بۆ پۆستێ سەرۆک کوماریێ خۆبەربژێرکر، لێ ل هەرێما مە شاسوار عەبدولواحید ب ١٣٠ هزار دەنگان د زیندانەکا تاکە کەسی دایە و ناهێلن کەسوکارێن وى ژى ببینن.

وى ئەندامێ جڤاتا بلند یا نەوەى نوێ گوت ژى،" ئەم باش دزانین ئەم باجا هەلویستێن خۆ ددەین".

ڕاگەهاند ژى، " ئەگەر شاسوار عەبدولواحید و نەوەى نوێ پشکداری حکومەتێ ببون ل شوونا زیندانا تاکەکەسی، خودانێ چەند وەزارەت و مژیلى دابەشکرنا کێکا دەستهەلاتێ بیت و وەرگرتنا پرۆژەیێن یەکجار مەزن بیت".

ئەڤە ژى د دەمەکێ دایە کو نێزیکى مەهەکێ یە هەژمارەکا خولەخشێن نەوەى نوێ هاتنە دەستەسەرکرن و دەما حەفتیەکەێ یە شاسوار عەبدولواحید هاتیە دەستەسەرکرن و د زیندانا تاکە کەسی دایە.