سەرنووچە:

نەجمەدین کەریم: بۆ گەشتێ ل بەیروتێ مە و نەهاتمە دەستەسەرکرن

پشتى نووچەیا دەستەسەرکرنا وى بەلاڤبووى
فۆتۆ: 
2019-05-22

243 جار خوێندراوەتەوە

نەجمەدین کەریم پارێزگارێ بەریا نها یێ کەرکوکێ بۆ دیجیتال میدیایا ئێن ئار تى راگەهاند، ئەو د نها دا بۆ گەشتێ ل بەیروتا پایتەختا لوبنانێ یە و نەهاتیە دەستەسەرکرن.

نەجمەدین کەریم ئەڤرۆ چارشەمبیێ ٢٢ێ گۆلانا ٢٠١٩ێ د داخویانیەکێ دا بۆ دیجیتال میدیایا ئێن ئار تى دازانین، ژ ئالیێ پۆلیسان ڤە بۆ چەند خولەکان هاتیە گازى کرن و ژێرە هاتیە گوتن کو ناڤێ وى د گەل ناڤێ کەسەکێ دن تێکەل بوویە.

ئەڤە ژی دەمەکی دایە، دوهى هەژمارەک ژ میدیایێن عێراقی نووچەیا دەستەسەرکرنا نەجمەدین کەریم پارێزگارێ بەرێ یێ کەرکوکێ ل بالافڕخانەیا بەیروتێ بەلاڤکرن.

نەجمەدین کەریم کو بەریا نها ئەندامێ مەکتەبا سیاسى یا یەکێتیێ بوویە، پشتى بوویەرێن ١٦ێ ئۆکتۆبەرێ ، باژارێ کەرکوکێ بجهـ هێلا و ل هەولێرێ ئاکنجى بوو، هەر د وێ دەمێ دا پەیوەندیا وى ب یەکێتیێ ڤە نەما.

د دەستپێکا ئیسال دا و ب دیارى کرى ژى ل رۆژا ١٩ێ چلەیا ٢٠١٩ێ نەجمەدین کەریم دەستبەردانا خوە ژ یەکێتیا نیشتیمانى یا کوردستانێ راگەهاند و رۆژا ١٦ێ سباتا ٢٠١٩ێ سەرکردایەتیا یەکێتیێ نەجمەدین کەریم ژ یەکێتیێ دەرخست.

م.س