سەرنووچە:

پارلەمانتارەکێ هەڤپەیمانیا ئیسڵاح: بۆ دەمودەست ئازادکرنا شاسوار عەبدولواحید پارلەمانتار دێ گڤاشتنان کەن

فۆتۆ: 
2019-05-22

236 جار خوێندراوەتەوە

ئەندامەکێ پارلەمانێ عێراقێ دیارکر، د ناڤ پارلەمانی دا بزاڤەک هەیە بۆ گڤاشتن دروستکرن لسەر دەستهەلاتا دادوەری ژبۆ دەمودەست ئازادکرنا شاسوار عەبدولواحید و دۆسیەیا وی ژی بۆ بەغدا بهێتە ڤەگوهاستن.

بەدر سائیغ پارلەمانتارێ هەڤپەیمانیا ئیسلاح د پارلەمانێ عێراقێ دا د هەڤدیتنەکێ دا دگەل کەنالێ ئێن ئاڕ تی دازانین، داخوازیا خۆ ب ئیمزایا ٦٥ پارلەمانتاران دایە دەستهەلاتا دادوەریا عێراقێ، ب مەرەما ڤەگوهاستنا دۆسیەیا شاسوار عەبدولواحید بۆ بەغدا، هەر بۆ وێ مەرەمێ ژی د چەند ڕۆژێن داهاتی دا دێ لیژنەیەکا پارلەمانی سەرەدانا سەرۆکاتیێن عێراقێ کەت.

ئەو یەک ژی دیارکر، بڕیارا ڕاگرتنا سەرۆکێ ڤەلڤینا نەوەی نوێ بڕیارەکا سیاسیە و ئەو چاڤەڕێی وێ یەکێ دکەن دەمودەست ئەو دۆسیەیە بداوی بهێت.

بەحسا وێ یەکێ ژی کر، هەموو وەلاتیێن عێراقێ دکارن داخوازا ڤەگوهاستنا دۆسیەیێن خۆ بکەن ئەگەر پشتڕاست نەبوون ژ بێلایەنیا وی جهێ کو پرۆسەیا دادگەهکرنێ تێدا بڕێڤەدچیت.

ئەڤە ژی دەمەکێ دایە، نێزیکی حەفتیەکێ بسەر دەستەسەرکرنا شاسوار عەبدولواحید سەرۆکێ ڤەلڤینا نەوەی نوێ دەربازدبن و هەیا نها نەهاتیە ئازادکرن.

س.م