سەرنووچە:

بڕیاردەرێ لیژنەیا یاسایی: حەفتیا داهاتی پارلەمان دێ دەنگی لسەر بەربژارێن سەرۆکێ هەرێمێ دەت

فۆتۆ: ئێن ئاڕ تی
2019-05-22

204 جار خوێندراوەتەوە

بڕیاردەرێ لیژنەیا یاسایی د پارلەمانێ کوردستانێ دا ڕاگەهاند، حەفتیا داهاتی پارلەمان بۆ دەنگدان ب بەربژارێن سەرۆکێ هەرێمێ دجڤیت.

جەلال محەمەد بڕیاردەرێ لیژنەیا یاسایی د پارلەمانێ کوردستانێ دا بۆ دیجیتال میدیایا ئێن ئاڕ تی ڕاگەهاند، ژ ئەڤرۆ ڤە سێ ڕۆژ ل پێشیا سەرۆکاتیا پارلەمانی نە بۆ دیارکرنا ڕۆژەکێ بۆ جڤینا پارلەمانی کو تێدا دێ دەنگ لسەر بەربژارێن سەرۆکێ هەرێمێ هێتە دان.

گوت ژی، لگۆڕی پەیڕەوێ ناڤخۆیێ پارلەمانی جڤینا یاسایی د ڕۆژانێن سێشەمبی و چارشەمبیێ دایە، ژبەر وێ چێدبیت سەرۆکاتیا پارلەمانی ڕۆژا سێشەمبیێ یان چارشەمبیێ یا حەفتیا داهاتی دیاربکەت بۆ دەنگدان لسەر بەربژارێن سەرۆکێ هەرێمێ.

جەلال محەمەد دازانین ژی، پشتی هەلبژارتنا بەربژارێ سەرکەفتی، سەرۆکاتیا پارلەمانی دێ ڕۆژەکا دی دیارکەت ژبۆ کو د مەراسیمەکا تایبەت دا سوند خوارنا سەرۆکێ هەرێمێ بڕێڤەبچیت.

ڕۆژا ١٩ێ ڤێ مەهێ سەرۆکاتیا پارلەمانی ناڤێ پێنج بەربژاران بۆ پۆستێ سەرۆکێ هەرێمێ ڕاگەهاند کو مەرجێ بەربژاربوونێ تێدایە، ئەو ژی پێکدهاتن ژ نێچیرڤان بارزانی، رێبوار خۆشناو، ئومێد عەبدولسەلام، محەمەد حەمەساڵح و هیوا عەبدوڵا.

ئەڤە دەمەکێ دا، ڕۆژا ١٢ی ڤێ مەهێ سەرۆکاتیا پارلەمانی دەرگەهێ خۆ بەربژارکرنێ بۆ پۆستێ سەرۆکی هەرێمێ ڤەکر و ڕۆژا ١٥ێ هەمان مەهـ ژی دەما خۆ بەربژارکرنێ داخست، کو هەشت کەسان خۆ بۆ وی پۆستی بەربژار کربوو.

س.م