سەرنووچە:

سامان گەرمیانی: بۆ دڕێژەپێدان ب ڕێکەفتنا ناڤبەرا مە ئەم دگەل گۆڕانێ ئاخافتنە

فۆتۆ: 
2019-05-22

176 جار خوێندراوەتەوە

ئەندامەکێ سەرکرداتیا یەکێتیێ ڕاگەهاند، بۆ دڕێژەپێدان ب ڕێکەفتنا دگەل گۆڕانێ، دگەل بەرپرسێن وێ بزاڤێ ئاخافتنە و چاڤەڕێی بەرسڤا وانن.

سامان گەرمیانی بۆ دەنگی ئەمریکایێ ڕاگەهاند، دگەل وێ یەکێ دانە کو ئەو ئالۆزیێن د دەمێن دەربازبوویی دا دگەل حزبا وی و گۆڕانێ دا دروستبووین ب تەمامی نەمینن و بەردەوامیێ بدەنە ڕێکەفتنا ناڤبەرا خۆدا کو ب ڕێکەفتنا دەباشان هاتیە ناسکرن.

دیارکر ژی، دگەل بزاڤا گۆڕانێ ئاخافتنە، پەیوەندی دگەل یەک هەیە، ئاخافتنێن وان لسەر وێ یەکێ یە چاوا بکارن دگەل هەڤ ڕێکبکەڤن، هەروەسا داخواز ژ گۆڕانێ کرنە بەردەوامیێ بدەنە ڕێکەفتنێ و چاڤەڕێی بەرسڤا بزاڤێ نە.

وی ئەندامێ سەرکرداتیا یەکێتیێ هیڤی ژی خواست گۆڕان د ئاستەکێ باش دا بەرسڤا وان بدەت و دبێژیت دوو شاندێن دانوستانان هەنە و هەیا نها ئەو دوو شاندە مانە، تنێ مایە ڕۆژا جڤینێ بهێتە دەستنیشانکرن.

ڕێکەفتنا دەباشان د ناڤبەرا بزاڤا گۆڕان و یەکێتیا نیشتیمانیا کوردستانێ دا هاتیە ئیمزاکرن، لێ گۆڕان یەکێتیێ ب جیبجینەکرنا ڕێکەفتنێ تۆهمەتبار کر، ب وێ سەدەمێ ژی ل مەها چلەیا ٢٠١٧ێ بزاڤا گۆڕان تاک ئالی ڕێکەفتن هەلاویست.

س.م