سەرنووچە:

تەمەلی: د هەلبژارتنا ٢٣ێ هەزیرانێ دا دێ جارەکا دی دەستهەلاتێ ڕاستی شکەستنێ کەین

فۆتۆ: 
2019-05-22

203 جار خوێندراوەتەوە

هەڤسەرۆکێ گشتی یێ هەدەپێ ڕاگەهاند، جارەکا دی د هەلبژارتنا ٢٣ێ هەزیرانێ دا دێ دەستهەلاتێ ڕاستی شکەستنێ کەن، داخواز کر هەڤدیتنێن ئیمرالیێ بەردەوام بن.

سەزایی تەمەلی هەڤسەرۆکێ گشتی یێ هەدەپێ د گۆتارەکێ دا ل هەمبەر ئەندامێن فراکسیۆنا پارتا خۆ دازانین، ل هەر جهەکێ کو زورداری و نەیاسایی و نەڕەوایی هەبیت، دێ ل وی جهی دگەل مافخوارن بن.

ئەو یەک ژی دیارکر، د هەلبژارتنا ٢٣ێ هەزیرانێ دا دێ هەڤپەیمانیا دیموکراسیێ ئینە ڕۆژەڤێ و دێ دەستهەلاتێ ڕاستی شکەستنێ کەن، کو جارەکێ شکەستن خواریە، لێ تێرنەبوونە، ئەڤ ژی وەک ئاماژەیەک بۆ هەلبژارتنا شارەداریێن تورکیایێ بوو، کو تێدا پارتا داد و گەشەپێدان شکەستن ئینا.

هەڤدەم دەربارەی هەڤدیتنێن دگەل ئۆجالان هەڤسەرۆکێ گشتی یێ هەدەپێ داخویاکرن، پێدڤیە ب ئاوایەکێ ڕێکخستی و بەردەوام بچنە گراڤا ئیمرالیێ و دگەل سزاداییان هەڤدیتنێ بکەن.

پێشتر سازیا بلندا هەلبژارتنێن تورکیایێ بریارا هەلوەشاندن و دووبارەکرنا ئەنجامێن هەلبژارتنێن شارەداریان ل ئیستەنبۆلێ دا و ٢٣ێ حەزیرانێ ژی وەکی رۆژا دووبارەکرنا هەلبژارتنێن شارەداریان ل ئیستەنبۆلێ دیارکر.

ئەڤە ژی دەمەکێ دایە، د هەلبژارتنێن ٣١ێ ئادارا ئیساڵ دا ل باژارێ ئیستەنبۆلێ ئەکرەم ئیمامئۆغلۆ بەربژارێ پارتیا گەل یا کۆماری چار ملیۆن و ١٥٩ هەزار و ٦٥٠ دەنگ واتە ٤٨.٨٠% ژ دەنگان ب دەست ئینا و وەکی شارەدارێ ئیستەنبۆلێ هاتە دیارکرن. ل هەمبەر دا بینالی یڵدرم بەربژارێ پارتیا داد و گەشەپێدان چار ملیۆن و ١٣٠ هەزار و ١٩٠ دەنگ ئانکو ٤٨.٤٨% ژ دەنگان ب دەست ئینا.

س.م