سەرنووچە:

نەجمەدین کەریم ل لوبنانێ هاتە دەستەسەرکرن

فۆتۆ: 
2019-05-21

3501 جار خوێندراوەتەوە

ئێن ئاڕ تی عەرەبی بەلاڤکر، نەجمەدین کەریم پارێزگارێ بەرێ یێ کەرکوکێ ل بالافڕخانەیا بەیروتێ ل لبنانێ هاتە دەستەسەرکرن.

چاڤکانیەکێ کو نەخواستیە ناڤێ وی بهێتە ئاشکراکرن بۆ ئێن ئاڕ تی عەرەبی ڕاگەهاند، ئێڤاریا ئەڤرۆ پشتی کو نەجمەدین کەریم گەهشتیە بالافڕخانەیا بەیروتێ ڕاستەڕاست ژ ئالیێ هێزێن ئەولەهیێ یێن بالافڕخانەیێ ڤە هاتیە دەستەسەرکرن.

هەڤدەم دیارکریە ژی، بالیۆزێ عێراقێ ل لوبنانێ هاتیە سەرخەت بۆ زانینا هوورکاری و سەدەما دەستەسەرکرنێ.

ئەڤە ژی دەمەکێ دایە، پێشتر دەستهەلاتا دادوەریا عێراقێ فەرمانا دەستەسەرکرنێ بۆ نەجمەدین کەریم دەرکربوو ژبەر بلندکرنا ئالایێ کوردستانێ لسەر دامودەزگەهێن کەرکوکێ و بەشداریکرن د ڕیفڕاندۆما هەرێمێ دا.

س.م