سەرنووچە:

ڕێیا سەرەکی یا ناڤبەرا سحێلا - زومار هاتە ڤەکرن

پشتی زێدەتری سال و نیڤان ژ داخستنێ
فۆتۆ: ئەرشیڤ
2019-05-21

166 جار خوێندراوەتەوە

دیجیتال میدیایا ئێن ئاڕ تی، دهۆک، بێوار حیلمی

پشتی زێدەتری سال و نیڤان ژ داخستنێ، ڕێیا سەرەکی یا ناڤبەرا سحێلا - زومار هاتە ڤەکرن.

هاشم سیتەی جێگرێ بەرپرسێ میحوەرێ ڕۆژئاڤایێ دیجلە د داخۆیانیەکێ دا بۆ دیجیتال میدیایا ئێن ئاڕ تی ڕاگەهاند، پشتی زێدەتری سال و نیڤان ژ داخستنێ، ئەڤرۆ ب فەرمی ڕێیا سەرەکی یا ناڤبەرا سحێلا - زومار لهەمبەر وەلاتیان هاتە ڤەکرن.

ئەو یەک ژی دیارکر، ڕۆژا شەمبیا دەربازبوویی بەرپرسێ ئۆپەراسیۆنێن فرقەیا ١٥ یا ئارتێشا عێراقێ سەرەدانا وان کریە، لهەڤهاتنە کو وێ ڕێیێ ڤەکەن، ئەڤرۆ ژی ب فەرمی هاتە ڤەکرن، ئەڤ یەک ژی دێ کارئاسانیا زێدە بۆ وەلاتیێن ناحیەیا زومار کەت کو پێشتر ب ڕێیا بەنداڤا موسل و رەبیعە هاتنوچوون دکرن.

هەروەسا دازانین، به‌رى نها هند ئاریشە لده‌ف حکومه‌تا عێراقێ هه‌بوون، ژبه‌ر وێ یەکێ ژی نه‌هاتبوو ڤه‌كرن، لێ پشتی لهەڤهاتنا هەردوو ئالیان ڕێ ژ ئالیێ حكومه‌تا عێراقێ ڤه‌ هاته‌ ڤه‌كرن.

س.م