سەرنووچە:

وەزارەتا دارایی داخوازا لیستا مووچەیێ مەها سێ ژ خەزینەیان کر

فۆتۆ: 
2019-05-21

5028 جار خوێندراوەتەوە

دیجیتاڵ میدیایا ئێن ئاڕ تى، هەولێر، هێرش قادر

ژێدەرەکی ژ وەزارەتا دارایی بۆ دیجیتاڵ میدیایا ئێن ئاڕ تی راگەهاند، وان داخوازا لیستا مووچەیێ مەها سێ ژ خەزینەیان کریە داکو مووچەیێ تەڤاهیا وەزارەتان و فەرمانگەهان پارڤە بکن.

داخوازا لیستا مووچەیێ مەها سێ د دەمەکی دایە، هەیا نها دەما پارڤەکرنا مووچەیێ مەها سێ یا فەرمانبەران نایێ زانین، لێ ل گۆری گۆتنا بەرپرسێن وەزارەتا دارایی، ئەگەر بەغدا مووچەیەکی بەریا جەژنێ پارڤە بکە  و مووچەیێ هەرێمێ بشینە، دێ بەریا جەژنێ مووچەی پارڤە بکن.

ل گۆری خشتەیا وەزارەتێ، سوبەهی داوی ب پارڤەکرنا مووچەیێ مەها دوو یا فەرمانبەران دێ بێت.

هەیا نها سێ مووچە بی پاشەکەفت هاتنە پارڤەکرن، لێ نایێ زانین پارڤەکرنا مووچەیێن مەهێن داهاتی چاوا دبن.

٨ێ ئادارا ٢٠١٩ێ حکومەتا هەرێمێ داوی ب سیستەما پاشەکەفتا مووچەی ئینا و مووچەیێ هەیڤا ١٢ یا سالا دەرباسبوویی بێ پاشەکەفت پارڤەکر.

هـ.ج