سەرنووچە:

حەسەن رۆحانى بەرسڤا داخوازیێن گۆتۆبێژێن ئەمریکایێ دا

فۆتۆ: 
2019-05-21

797 جار خوێندراوەتەوە

سەرۆک کومارێ ئیرانێ ڕاگەهاند، ڕەوشا نها ب چ ئاوایەکێ گۆتۆبێژ نینن، بتنێ خوراگرى و تێکوشان هەیە.

حەسەن ڕۆحانى سەرۆک کومارێ ئیرانێ د جڤینەکا دگەل هەژمارەک  ژ زەلامێن ئاینێ شیعە مەزهەب یێن ولاتێ خۆ ڕاگەهاند، وەزارەتا دەرڤە یا ئەمریکایێ هەشت جاران داخوازا گۆتۆبێژان کریە و د ناڤبەرا گەل و ڕێڤەبەرێن ولاتى ژى دا بوچونێن جوودا هەنە ژبەر سزایێن ئەمریکایێ، ئەو ب خۆ ئالیگرێ دانوستان و دیپلوماسیەتیی یە، لێ ئەڤ رەوشە ب چ ئاوایەکێ گۆتۆبێژان پەسەند ناکەن.

گوت ژى، ژ بۆ وێ چەندێ کو د نها دا باشتر ولاتى برڤەببەین پێدڤی ب میکانیزمێ بریارێ یە، ژبەر کو د شەرێ عێراق ـ ئیرانێ دا جڤاتەک هاتە پێک ئینان هەمى دەستهەلاتەک د دەستێن وێ میکانزمێ دابوون و "ئەڤرۆ ژى کو د شەرێ ئابوری داینە پێدڤیا مە ب دەستهەلاتەکا ب ڤی ئاوایی هەیە".

سەرۆک کومارێ ئیرانێ بەحس ژى کر، د دەما ٤٠ سالێن بوورى دا ئەوێن ل کوچکا سپی بوون بەر دەوام دژى ئیرانێ کار کریە و پلان ل سەر درۆستکرنە و ڕووبرووبوونەکا چەکدارى دانایە، ئەڤە هەمى ژى پێکڤە کەمبوونە دژى ئیرانێ.

سەرۆک کومارێ ئیرانێ دازانین ژى، خەلک ڕووبرووى زور ئاریشەیان بوویە و دژوار بوونە، لێ وان هەمى یان پەیوەندى ب جکومەتا وى ڤە نینە و بەرى نها داهاتێ خەلکى هاتبوو بلند کرن.