سەرنووچە:

هێزێن ئەمریکایێ دێ لسەر ئاخا چەند ولاتێن کەنداڤێ هێنە بەلاڤکرن

بۆ بەرسڤدانا ئیرانێ
فۆتۆ: 
2019-05-18

670 جار خوێندراوەتەوە

سعودیە و هەژمارەکا ولاتێن هەڤکار یێن کەنداڤێ ڕازیبوون نیشاندانە لسەر داخوازیەکا ئەمریکایێ بۆ بەلاڤکرنا هێزێن خۆ د ئاڤێن کەنداڤێ و ئاخا چەند دەولەتێن دی یێن دەڤەرێ دا.

چەند چاڤکانیێن ولاتێن کەنداڤێ ئەڤرۆ شەمبیێ (١٨ێ گۆلانا ٢٠١٩ێ) ب ڕۆژنامەیا شەرقولئەوسەت ڕاگەهاندنە، ڕازیبوون لسەر بنەمایێ ڕێکەفتنامەیا هەڤبەش یا ناڤبەرا ویلایەتێن هەڤگرتیێن ئەمریکایێ و چەند دەولەتێن دی یێن کەنداڤێ دا هاتیە نیشاندان، ژبەر کو وەک هاتیە دیارکرن ئارمانج ژ وێ ڕێکەفتنێ، بەرسڤدانا ئیرانێ یە ژ ئەنجاما هەر هێرش و کریارەکا سەربازی کو بکەتە سەر دەڤەرا کەنداڤێ.

هەروەسا دانەزانین، پالنەرا یەکێ یا دووبارە بەلاڤکرنا هێزێن ئەمریکایێ د کەنداڤێ و ئاخا چەند ولاتێن عەرەبی دا، بۆ ڕێگریکرن ژ بالادەستیا سەربازی یا ئیرانێ و بەرسڤدانا د دەمێن پێدڤی دایە، ژ ئەگەرا وێ یەکێ کو ڕەوشا ئەولەهیێ یا کەنداڤێ زێدەتر تێکچوو، یان ژی تەهرانێ ڤیا هێرشێن نەچاڤەڕیکری بکەتە سەر بەرژەوەندیێن ئەمریکا و هەڤپەیمانێن وێ د دەڤەرێ دا.

ئەڤە ژی دەمەکێ دایە، بەشەک ژ پێشبینیان ئەو بەرهەڤکاریێن سەربازیێن ئەمریکا لهەمبەر ئیرانێ، ب نیشانەیەکا بهێز دبینن بۆ ڕوودانا شەڕێن ناڤبەرا هەردوو ولاتان دا.

س.م