سەرنووچە:

ئەردۆغان: د بزاڤان داینە بوریا نەفتا کەرکوک ـ جەیهانێ کارا بکەین

ئەردۆغان و عەبدولمەهدی جڤیان
فۆتۆ: 
2019-05-15

262 جار خوێندراوەتەوە

پشتى جفینا ئەردۆغان و عه‌بدولمه‌هدی ل ئەنقەرەیێ، ئەردۆغان راگەهاند، د بزاڤان داینە بوریا نەفتا کەرکوک ـ جەیهانێ کارا بکەین و عادل عەبدولمەهدى ژى راگەهاند، رێ نادەین ئاخا عێراقێ بۆ هێرشکرنا سەر تورکیایێ بهێتە بکار ئینان.

عادل عه‌بدولمه‌هدی کو ل ئێڤاریا ئەڤرۆ ب سەردانەکێ گەهشتە تورکیایێ د کۆنفرانسەکا رۆژنامەڤانیا هەڤبەش دا د گەل رەجەب تەیب ئەردۆغان راگەهاند، د گەل وى وەلاتى ل سەر مژارا هاریکاریا ئەولەهیێ رێکەتنە.

هەروەسا گوت، عێراق و تورکیا ل سالا ٢٠١٨ێ وەرە رێکەتنا ئەولەهیێ هەیە ، لێ کار پێ نەهاتیە کرن، بۆ کاراکرنا رێکەتنێ کار دکەن.

عادل عەبدولمەهدى بەحسا وێ یەکێ ژى کر، ئاستا ئالوگوریا بازرگانیێ  د گەل تورکیایێ دا نێزیکى ٢٠ ملیار دۆلارانە سالانە و دخوازن وێ ئاستێ زێدەتر بکەن.

ژ ئالیێ خوە فە ئەردۆغان راگەهاند، کار دکەن ل سەر کاراکرنا بوریا نەفتا کەرکوک ـ جەیهان و ب پێتڤى ژى دزانن رێکەتنا تایبەت ب ئاسایش و ئیستیخباراتى و هاریکاریا ئەولەهیێ د گەل عێراقێ دا ئیمزا بکەن.

هەروەسا گوت، لیژنەیەکا پێنج کەسى دەربارێ ئاڤێ هاتیە پێکئانین و دخوازە تورکیا د ئاڤاکرنا عێراقێ دا بەشدار ببیت.

م.س