سەرنووچە:

دەبارێ ڤەگوهاستنا فەرمانبەرێن یەکێتیێ، سەرۆکاتیا هەرێمێ زەلالکرنەک بەلاڤکر

فۆتۆ: 
2019-05-15

215 جار خوێندراوەتەوە

دەبارێ ڤەگوهاستنا فەرمانبەرێن یەکێتیێ سەرۆکاتیا هەرێمێ راگەهاند، بریار کارگێریە و چ پەیوەندى ب بریارا سیاسى ڤە نینە.

سەەرۆکاتیا هەرێمێ د زەلالکرنەکێ دا ئاماژە ب وێ یەکێ کر، د چارچوڤەیا رێکخستنا هەیکەلیەتا دیوانا سەرۆکاتیا هەرێمێ بریارا ڤەگوهاستنا وان فەرمانبەران هاتیە دان.

هەروەسا بەحس ژ وێ یەکێ کر، بریار بۆ ڤەگوهاستنا وان فەرمانبەرانە کو میلاکێ وان زێدەیە، ژ بۆ کو بۆ وەزارەتێن دن مفا ژێ بهێتە وەرگرتن.

سەرۆکاتیا هەرێمێ دا دیارکرن، بریارێ خەلکێ بێ ئالى و ئەندامێن پارتى و یەکێتیێ ژى ڤەگرتیە.

د چەند رۆژێن دەرباز بووى دا ل گۆر نڤیسەکا نهێنى کو دەست ئێن ئار تى کەڤتبوو تەڤاهیا وان فەرمانبەرێن سەر پشکا یەکێتیێ نە ل دیوانا سەرۆکاتیا هەرێمێ کار کرنە ب بێ ئاگەهداریا وان هاتنە دوورخستن و راژەیا وان بۆ وەزارەتەکا دن هاتیە ڤەگوهاستن.

م.س