سەرنووچە:

حەفتیا داهاتی دێ ناڤێن بەربژارێن پۆستێ سەرۆکێ هەرێمێ هێنە ڕاگەهاندن

فۆتۆ: ئێن ئاڕ تى
2019-05-15

324 جار خوێندراوەتەوە

دەمژمێر ١١ێ بەریا نیڤرۆیا ئەڤرۆ پارلەمانێ کوردستانێ دەرگەهێ خۆ بەربژارکرنێ بۆ پۆستێ سەرۆکێ هەرێمێ داخست و ڕۆژا یەکشەمبیا داهاتی ژی دێ ناڤێن بەربژێرێن کو مەرجێن یاسایی تێدانە هێنە ئاشکراکرن.

پارلەمانێ کوردستانێ د بەیاننامەیەکێ دا دازانین، لگۆڕی خالا (٣) ژ برگەیا یەکێ یا ماددەیێ (٤) یا یاسایا کاراکرنا سازیا سەرۆکاتیا هەرێمێ، پێدڤیە د دەما دوو ڕۆژان دا  ژ ڕۆژا داخستنا دەرگەهێ خۆ بەربژارکرنێ ناڤێن وان بەربژارێن کو مەرجێن یاسایی تێدانە بهێنە ڕاگەهاندن.

زەلالکر ژی، ژبەر هەبوونا دوو ڕۆژێن بێهنڤەدانا فەرمی، ڕۆژا یەکشەمبیێ (١٩ێ گۆلانا ٢٠١٩ێ) ناڤێ بەربژاران دێ ژ ئالیێ دەستەیا سەرۆکاتیا پارلەمانی ڤە هێتە ڕاگەهاندن.

ژ دەستپێکا ڤەکرنا دەرگەهێ خۆ بەربژارکرنێ کو ڕۆژا ١٢ێ ڤێ مەهێ هەیا ئەڤرۆ بەردەوام بوو، هەیا نها پێنج کەسان خۆ بۆ وی پۆستی بەربژارکرنە.

نووچەگەهانێ ئێن ئاڕ تی ڕاگەهاند، هەر یەک ژ نێچیرڤان بارزانى جێگرێ سەرۆکێ پارتى و فەرهاد پیرباڵ نڤیسەر و ڕۆشنبیر و ڕێبوار خۆشناو و ئومێد پاڵانى و بەکر دەربەندى کو پارێزەرن، سیڤىێن خۆ ڕادەستى سەرۆکاتیا پەرلەمانی کرنە و خۆ بەربژارکرنە.

پێشتر هەریەک ژ فراکسیۆنێن کۆمەل و یەکگرتوویا ئیسلامی ڕاگەهاندن، بەربژار بۆ پۆستێ سەرۆکێ هەرێمێ نابیت و دەنگی ژی ب بەربژارێ هەڤبەشێ وان سێ ئالیان نادەن.

س.م