سەرنووچە:

ئەمریکا و ئەلمانیایێ پەروەردەکرنا پێشمەرگە و هێزێن عێراقی ڕاگرت

ژبەر ئالۆزیێن دەڤەرێ
فۆتۆ: 
2019-05-15

245 جار خوێندراوەتەوە

ژبەر ئالۆزیێن دەڤەرێ، هەریەک ژ ئەمریکا و ئەلمانیایێ بڕیارا دان پەروەردەکرنا پێشمەرگە و هێزێن عێراقی ڕابگرن.

پەیڤدارێ وەزارەتا بەرەڤانیا ئەلمانیایێ د ڕاگەهاندنەکێ دا دیارکر، ژبەر ئالۆزیێن دەڤەرێ، بڕیار دانە پەروەردەکرنا سەربازی یا هێزێن پێشمەرگە و هێزێ عێراقی ڕابگرن.

میدیایێن ئەلمانیایێ ژی ڕاگەهاندنە، بڕیارا ڤەکێشانا هێزێن ئەلمانیایێ ب ڕێکەفتن دگەل هەڤپەیمانیا ناڤدەولەتی یا ل دژی داعشێ بوویە.

هەڤدەم جەبار یاوەر ئەمیندارێ گشتی یێ وەزارەتا پێشمەرگە بۆ ئێن ئاڕ تی ڕاگەهاند، سەدەما ڕاگرتنا پەروەردەیا سەربازی ژ ئالیێ ئەمریکا و ئەلمانیایێ ڤە پەیوەندی ب ئالۆزیێن ناڤبەرا ئیران و ئەمریکایێ هەیە و بۆ دەمەکێ دەمکی یە.

ڕاگەهاند ژی، هەردوو ولاتان هێزێن خۆ بۆ بنگەهـ و بالیۆزخانە، کونسولخانەیێن خۆ ڤەگەڕاندنە و هەیا نها وەزارەتا پێشمەرگە ئاگەهداری وێ بڕیارێ نینە.

ئەڵمانیایێ ١٦٠ شێورمەند و سەرباز د عێراقێ دا هەنە بۆ ڕاهێنان و پەروەردەکرنا پێشمەرگە و هێزێن عێراقی و ١٠٠ سەربازێن وان ل هەرێما کوردستانێ هێزێن پێشمەرگە پەروەردە دکەن.

س.م