سەرنووچە:

سەرۆکێ فراکسیۆنا کۆمەلێ د جڤاتا پارێزگەها هەولێرێ دا دەست ژ حزبا خۆ بەردا

فۆتۆ: 
2019-05-15

215 جار خوێندراوەتەوە

سەرۆکێ فراکسیۆنا کۆمەل د جڤاتا پارێزگەها هەولێرێ دا دەست ژ کارکێشانا خۆ ژ کۆمەلا ئیسلامیا کوردستانێ ڕاگەهاند و سەدەم ژی بۆ چارەسەرنەکرنا ئاریشەیێن ناڤخۆیا حزبا خۆ ڤەگەڕاند.

عەباس محەمەد، سەرۆکێ فراکسیۆنا کۆمەلێ د جڤاتا پارێزگەها هەولێرێ دا د کۆنفرانسەکا ڕۆژنامەڤانی دا دیارکر، سەدەما دەست ژ کارکێشانا وی ژ کۆمەلا ئیسلامی بۆ "سەروەرنەبوونا بنەمایێن شورا و پێگیرنەبوون ب ڕاسپاردەیێن کۆنگرەیا کۆمەلا ئیسلامی و ڕازی نەبوون ب دەرئەنجامێن هەلبژارتنێن ناڤخۆیێن حزبێ و ب تایبەت ل مەلبەندا ٣ و ١١ یا هەولێرێ" ڤەدگەڕینن.

بەحسا وێ یەکێ ژی کر، "پێگیرنەبوون ب وان بنەمایێن کو کۆمەلا ئیسلامی لسەر هاتیە دامەزراندن، دیارترین ژی ژ وان نەبوونا دادگەریێ ب ئاوایەکێ هەیا نها ئەوێن د تەخا بلند دا دژین ئامۆژگاریا خەلکێ لاواز و فەقیر دکەن کو بێهن فرەهـ بن".

ئەڤە ژی دەمەکێ دایە، د دەمێن دەربازبوویی دا سێ ئەندامێن سەرکرداتیێ و هەژمارەکا کادرێن بلندێن کۆمەلا ئیسلامیا کوردستانێ ب سەدەما ئاریشەیێن ناڤخۆیێن حزبا خۆ دەست ژ کار کێشانە.

س.م