سەرنووچە:

بالافرەکا سیخوریا تورکیایێ ل سنورێ ئامێدیێ کەتە خوارێ

فۆتۆ: 
2019-05-15

1143 جار خوێندراوەتەوە

دیجیتاڵ میدیایا ئێن ئاڕ تی ، ئامێدی ، نیهاد ئۆرەماری

بالافرەکا سیخوریا تورکیایێ ل سنورێ ئامێدیێ کەتە خوارێ و بالافرێن شەر ژی جهێ کەتنا بالافرا سیخوری بۆمبەباران کرن.

نووچەگەهانێ دیجیتاڵ میدیایا ئێن ئاڕ تی ل ئامێدیێ راگەهاند، ل هنداڤ گوندێ بەرەکەڕ یێ کۆمەڵگەها قەدشێ بالافرەکا سیخوری یا تورکیایێ کەتیە خوارێ.

هەروەسا دازانین پشتی کەتنا بالافرا سیخوری، بالافرێن شەر یێن تورکیایێ جهێ کەتنا بالافرا سیخوری دوو جاران بۆمبەباران کرنە داکو شوونوارێن وێ نەهێلن.

بۆمبەبارانا تورکیایێ د دەمەکی دایە کو هەژمارەک وەلاتی بۆ سەخبیریکرنا رەز و باخێن خوە ژ بۆ وێ دەڤەرێ چووبوون.

گوندێ بەرەکەڕ گرێدایی کۆمەڵگەها قەدشێ یا ناحیەیا سەرسنکێ یا سەر ب قەزایا ئامێدیێ یە.

هـ.ج