سەرنووچە:

ترەمپ شاندنا ١٢٠ هەزار سەربازان بۆ ڕۆژهەلاتا ناڤین رەت کر

فۆتۆ: 
2019-05-15

323 جار خوێندراوەتەوە

دۆناڵد ترەمپ نووچەیا شاندنا ١٢٠ هەزار سەربازێن وەلاتێ خوە بۆ رۆژهەلاتا ناڤین رەت کر و راگەهاند، هەیا نها ئەمریکایێ چ پلانەک ب وی ئاوایی نینە.

سەرۆکێ ئەمریکایێ د کۆنفرانسەکا رۆژنامەڤانی دا ل کۆشکا سپی نووچەیەکا رۆژنامەیا نیویۆرک تایمز رەت کر کو دیارکربوو ژ بەر گەفێن ئیرانێ، ئەمریکا ١٢٠ هەزار سەربازان بۆ رۆژهەلاتا ناڤین دشینە.

ترەمپ راگەهاند، نووچەیا وێ رۆژنامەیێ دوورە ژ راستیێ و چ پلانەک ب وی ئاوایی د دەستێ ئەمریکایێ دا نینە و هێڤی خواست نەچار نەبن پلانەک ب وی ئاوایی ئامادە بکن و گۆت:" ئەگەر پلانەک ب وی ئاوایی هەبا، سەربازێن زێدەتر دهاتن شاندن.

بەرێ رۆژنامەیا نیویۆرک تایمز ل گۆری داخویانیێن بەرپرسێن بلندێن ئەمریکایێ دابووزانین، وەزیرێ بەرەڤانیا ئەمریکایێ ب وەکالەت دیارکریە، ئەمریکا ل هەمبەر گەفێن ئیرانێ ١٢٠ هەزار سەربازان بۆ رۆژهەلاتا ناڤین دشینە.

هـ.ج