سەرنووچە:

ئەڤرۆ عەبدولمەهدی سەردانا تورکیایێ دکە

فۆتۆ: 
2019-05-15

134 جار خوێندراوەتەوە

لسەر داخوازیا سەرۆک کۆمارێ تورکیایێ، ئەڤرۆ چارشەمبی عادل عەبدولمەهدی ب مەرەما گۆتۆبێژکرنا چەند تەوەران سەردانا تورکیایێ دکەت.

فەرمانگەها ڕاگەهاندنا سەرۆکاتیا کۆمارا تورکیایێ ڕاگەهاند، ئەڤرۆ چارشەمبیێ (١٥ێ گۆلانا ٢٠١٩ێ) عادل عەبدولمەهدی لسەر داخوازا ڕەجەب تەیب ئەردۆغان سەردانا تورکیایێ دکەت.

بڕیارە د سەرەدانێ دا هەردوو ئالی گۆتۆبێژان ل سەر چەندین تەوەرێن وەک چاوانیا پێشخستنا هەڤبەندیێن هەردوو ولاتان بکەن، ب تایبەت د بیاڤێ بازرگانی و وزەیێ، ڕووبڕووبوونا تیرۆر و دووبارە ئاڤاکرنا عێراقێ دا.

هەڤدەم دوهی د کۆنفرانسا ڕۆژنامەڤانیا حەفتانەیا خۆ دا عادل عەبدولمەهدی دیارکر، د سەردانا تورکیایێ دا دێ مژارێن وەکی ڕاکێشانا هێلا ئاسنی یا ناڤبەرا هەردوو ئالیان و ڤەکرنا دەرازینکێن نوو یێن بازرگانی دگەل بەرپرسێن تورکیایێ گۆتۆبێژ بکەن.

دهێتە چاڤەڕێکرن د جڤینێ دا هەردوو ئالی نەرینان لهەڤ بگۆهڕن دەربارەی تەوەرێن هەرێمی و دەڤەری، کو ژ نێزیکڤە پەیوەندی ب تورکیا و عێراقێ ڤە هەنە.