سەرنووچە:

بەرپرسەکێ ئەمریکی: دێ هەژمارەکا مووشەکێن دی یێن پاتریۆت بۆ ڕۆژهەلاتا ناڤەڕاست بشینین

فۆتۆ: 
2019-05-11

325 جار خوێندراوەتەوە

ب مەرەما بەرسڤدانا گەفێن ئیرانێ و زێدەبوونا بالادەستیا وێ ل دەڤەرێ، ئەمریکا دخوازیت هەژمارەکا مووشەکێن دی یێن پاتریۆت بۆ ڕۆژهەلاتا ناڤەڕاست بشینیت.

بەرپرسەکێ ئەمریکی ڕاگەهاند، پاتریک شانهان وەزیرێ بەرەڤانیا ئەمریکا ب وەکالەت، ڕازیبوون لسەر بجیکرنا وان مووشەکان ل چەند دەڤەران نیشان دایە، بێ کو ئەو بەرپرسە بەحسا هەژمارا مووشەکان بکەت.

ئەڤە دەمەکێ دایە، چەند ڕۆژن کەشتیا (یو ئێس ئێس لینکۆڵن) د نۆکەندا سوێسێ دا دەربازبوویە و بەر ب گەریا هۆرمز بڕێکەفتیە، ئەڤە ژی پشتی کو دەستهەلاتدارێن تەهرانێ گەفا داخستنا گەریێ و ب ئارمانجگرتنا کەشتیێن بازرگانیێن ئەمریکی کرن.

مووشەکا پاتریۆت ب مەرەما بەرسڤدان، چاڤدێریکرنا بالافڕێن بێ بالافڕڤان، مووشەکا کروز و مووشەکا بالیستیا کورت هاڤێژ یان تەکتیکی هاتیە دروستکرن.

هەیا دچیت بەرهەڤکاری داخویانیێن دژ هەڤ ناڤبەرا ئیران و ئەمریکایێ زێدەتر دبن، ئەمریکا ئیرانێ ب دەست هەلنەگرتن ژ پێشخستنا شیانێن ئەتۆمی و مووشەکی و دەستڤەدانێ د دەڤەرێ دا تۆهمەتبار دکەت، سزایان بسەر کەرتێن جودایێن وی ولاتی دا سەپاندنە، هەری داوی ژی سەپاندنا سزایان بوو بسەر کەرتا پیشەسازی و کانزایێن وی ولاتی.

س.م