سەرنووچە:

ل عەفرین و عەزاز و بابێ شەرێ ناڤبەرا یەپەگێ و ئارتێشا تورکیا دژوار بوو

پێنج سەرباز هاتن کوشتن
فۆتۆ: 
2019-05-11

353 جار خوێندراوەتەوە

ل عەفرینێ ٥ سەربازێن تورکیا و چەکدارێن گرێدایی وێ ژ ئالیێ شەرڤانان ڤە هاتن کوشتن و ل بابێ ژی چەکدارێن گرێدایی تورکیایێ هێرشی چەپەرێن شەرڤانان کرن.

هێزێن رزگاریا عەفرینێ یا سەر ب یەپەگێ راگەهاند، ل ناڤچەیێن عەزاز و شێراوا یا گرێدایی عەفرینێ هێزێن وان ل هەمبەر هێزێن تورکیا و چەکدارێن گرێدایی وێ هێرش پێکئانینە و ٥ سەرباز و چەکدار هاتنە کوشتن.

هەروەسا دازانین، د ئەنجاما پەڤچوونان دا هەژمارەک سەرباز و چەکدار ژی بریندار بوونە، لێ بەحسا شەهیدبوونا چ شەرڤانان نەهاتیە کرن.

ناڤەندا راگەهاندنا جڤاتا سەربازیا منبجێ ژی راگەهاند، چەکدارێن مەرتالا فوراتێ یێن گرێدایی تورکیایێ، ل هەژمارەک گوندێن نێزیکی بابێ، ب تۆپ و هەوانان هێرشی چەپەرێن شەرڤانان کرنە، لێ ژ بەر بەردەوامیا شەر چ ئامارەک نەهاتە بەلاڤکرن.

دوهی ژی ٢ وەلاتی کو برایێن هەڤدوو بوون ل گوندێ تلتەنە یێ گرێدایی ناڤچەیا بابێ، راستی ئیشکەنجەیا چەکدارێن گرێدایی تورکیایێ هاتن و د ئەنجامێ دا هەردوو برایان ژیانا خوە ژ دەست دا.

هـ.ج