سەرنووچە:

تورکیا.. ب سەدەما بنئاڤبوونا بەلەمەکێ ٩ کۆچبەر خەندقین

فۆتۆ: 
2019-05-04

408 جار خوێندراوەتەوە

د دەریایا ئیجە دا ب سەدەما بنئاڤبوونا بەلەمەکێ ٩ کۆچبەران ژیانا خوە ژ دەست دا کو هەژمارەک ژ وان ژن و زارۆکن و هەیا نها ناسنامەیا وان نەدیارە.

فەرمانداریا ئاسایشا بەرئاڤێن تورکیایێ راگەهاند، بەلەما کۆچبەران ل رۆژئاڤایێ گراڤا چپلاک یا پارێزگەها بالک کەسیر بنئاڤبوویە و تیمێن دەریایی و دوو هەلیکۆپتەر ژ بۆ جهێ بوویەرێ هاتنە شاندن.

هەروەسا دازانین، د ئەنجاما لێگەرین و پشکنینێ دا پێنج کۆچبەر هاتنە رزگارکرن کو یەک ژ وان ژن و یەک ژی زارۆکە و تەرمێ سێ ژن و پێنج زارۆکان ژی هاتیە دیتن.

فەرمانداریا ئاسایشا بەرئاڤێن تورکیایێ دازانین، لێگەرینا وان بۆ رزگارکرنا کۆچبەرێن دن بەردەوامە کو تێ تەخمینکرن چار کەس بن، لێ ناسنامەیا چ کۆچبەران نەهایە ئاشکران.

سالا ٢٠١٦ێ ، تورکیا و وەلاتێن ئەورۆپایێ رێکەتن ل سەر پرسا کۆچبەران ئیمزاکرن و ل گۆری رێکەتنێ پێدڤیە تورکیا رێ ل چوونا کۆچبەران بۆ ئەورۆپایێ بگرە و ل هەمبەر دا یەکێتیا ئەورۆپایێ ئالیکاریا دارایی و لهەوارچوونێ پێشکێشێ وی وەلاتی دکە.

هـ.ج