سەرنووچە:

زەریف: ئەگەرا دەرکەتنا شەر د ناڤبەرا ئیران و ئەمریکایێ دا هەیە

ل کەنداڤ و گەریا هورمز
فۆتۆ: 
2019-05-04

311 جار خوێندراوەتەوە

محەمەد جەواد زەریف وەزیرێ دەرڤەیێ ئیرانێ دیار کر، دوور نینە شەر و پەڤچوون د ناڤبەرا تەهران و واشنتنێ دا دەرکەڤن.

رۆژنامەیا "ئیندیپێندێت" ژ زارێ وەزیرێ دەرڤەیێ ئیرانێ راگەهاند، د دەما دەرباسبوونا کەشتیان ل کەنداڤ و گەریا هورمز دا، ئەگەرا دەرکەتنا شەر د ناڤبەرا ئیران و ئەمریکایی دا هەیە.

زەریف دازانین، کۆنترۆلا بەرئاڤێن گەریا هورمز د دەستێ سوپایا پاسداران یا ئیرانێ دایە و راستەراست کەشتیێن کو ب گەریا هورمز رە دەرباس دبن، رووبروویی سوپایا پاسداران دبن و نەبوونا پەیوەندیان د ناڤبەرا ئالیێ ئەمریکی ل وێ ناڤچەیێ، دێ ببە سەدەما دەرکەتنا شەر و پەڤچوونان.

ب پشکەکا دی یا ئاخافتنێن خوە دا زەریف گۆت:" پشتی کو مەها دەرباسبوویی دۆنالد ترەمپ سەرۆکێ ئەمریکایێ سوپایا پاسداران خستە لیستا تیرۆرێ دا و تەهرانێ ژی ب هەمان ئاوایی فەرمانداریا سەربازی یا ئەمریکایێ وەکی سازیەکا تیرۆرێ ب ناڤ کر، دوودلی زێدە بوونە.

دوهی ٣ێ گولانێ عەبدولرەحمان موسەوی فەرماندارێ گشتیێ سوپایا پاسداران د جڤینەکێ دا د گەل فەرماندارێن سەرەکی یێن ئارتێشا ئیرانێ دیار کر، پێدڤیە هەموو هێز و یەکەیێن سەربازی د رەوشا ئامادەباشیێ دا بن.

هـ.ج