سەرنووچە:

ل تورکیا و باکورێ کوردستانێ د مەها نیسانێ دا ٢٠ ژن هاتنە کوشتن

فۆتۆ: 
2019-05-02

332 جار خوێندراوەتەوە

ل تورکیایێ ئەڤسالە رێژەیا کوشتنا ژنان و دەستدرێژیا سێکسی بۆ سەر ژن و زارۆکان زێدە بوویە و ب تنێ د مەها نیسانێ دا ٢٠ ژن هاتنە کوشتن.

مالپەرا ژن نیوز یا باکورێ کوردستانێ ئامارا کوشتن و دەستدرێژیا ل سەر ژن و زارۆکان د مەها نیسانێ دا بەلاڤ کر.

ل گۆری وێ مالپەرێ د مەها نیسانێ دا ٢٠ ژن ل تەڤاهیا تورکیا و باکورێ کوردستانێ هاتنە کوشتن، دەستدرێژیا سێکسی ل ١٥ ژن و ٣ زارۆکان هاتیە کرن.

ئامارا ژن نیوزێ دیار دکە کو ٣ زارۆک ژی هاتنە کوشتن و رێژەیا گەف و توندوتیژیێ ژی ل هەمبەر زارۆک و ژنان زێدە بوویە.

پلاتفۆرما "ئەم کوشتنا ژنان راوەستینن" یا تورکیایێ ژی دازانین، د مەها ئادارێ دا ٢٧ ژن و د مەها چلەیێ دا ژی ٤٣ ژن هاتنە کوشتن.

هەروەسا دیار کر، د سالا ٢٠١٨ێ دا ٣٩١ ژن، د سالا ٢٠١٧ێ دا ٣٤٦ ژن و د سالا ٢٠١٦ێ دا ژی ٢٨٤ ژن ب دەستێ زەلامان هاتنە کوشتن و هەر سال ل گۆری سالا دەرباسبوویی، رێژەیا کوشتنا ژنان ل باکورێ کوردستان و تورکیایێ زێدە دبە.

هـ.ج