سەرنووچە:

فەرماندارێ گشتی یێ ئارتێشا پاسداران هات گۆهەڕتن

فۆتۆ: 
2019-04-21

290 جار خوێندراوەتەوە

عەلی خامنەئی ڕابەرێ بلندێ ئیرانێ، فەرماندارێ گشتی یێ ئارتێشا پاسداران ژ پۆستێ وی دورخست، ئەڤە ژی پشتی دەربازبوونا چەند ڕۆژان بسەر بڕیارا ئەمریکا کو ئارتێشا پاسداران خستیە د ناڤ لیستێن تیرۆرستی دا.

ئاژانسا ئیرنا یا فەرمییا ئیرانێ بەلاڤکر، ژەنەڕال حسێن سەلامی وەک فەرماندارێ گشتی یێ ئارتێشا پاسداران ل جهێ ژەنەڕال محەمەد جەعفەری هاتیە دیارکرن.

حسێن سەلامی د تەمەنێ ٥٦ سالیێ دایە، پێشتر جێگرێ فەرماندارێ ئارتێشا پاسداران بوو، بەشداری د شەڕێ هەشت سالیێ عێراق و ئیرانێ د چەرخێ دەربازبوویی دا کریە و پشتی دەربازبوونا دەمەکێ بسەر وی شەڕی دا دەربازی ناڤ ئارتێشا پاسداران بوویە.

محەمەد عەلی جەعفەری کو ژ پۆستێ وی هاتیە دورخستن، ل سالا ٢٠٠٧ێ بوویە فەرماندارێ گشتی یێ ئارتێشا پاسداران، لگۆڕی ئاژانسا ئیرنایێ ژ ئەڤرۆ شووندا دێ پۆستەک د بیاڤێ چاند و ڕۆشنبیریێ دا پێ هێتە دان.

ئەڤ گۆهەڕتنێن د ڤی دەمی دا، ئاخافتنێن زێدە لدیف خۆ ئینان، ب تایبەت پشتی کو د دەستپێکا ڤێ مەهێ دا ئەمریکا ئارتێشا پاسداران وەک ڕێکخراوا تیرۆرستی خستە د لیستا تیرۆرستی یا خۆدا.

س.م