سەرنووچە:

شارەدارێ نوو یێ ئیستەنبۆلێ پەسنا ڕۆلا دەمیرتاش د بجهکرنا ئاشتیێ ل تورکیایێ دا

فۆتۆ: 
2019-04-19

509 جار خوێندراوەتەوە

ئەکرەم ئیمامئۆغلۆ شارەدارێ نوو یێ باژارێ ستەنبۆلێ راگەهاند، سەلاحەدین دەمیرتاش ژ بۆ ئاشتیێ دەرفەتەکا مەزن بوو.

ئیمامئۆغلۆ دیار کر دەما کو دەمیرتاش د سیاسەتێ دا ئاکتیڤ بوو، هەلوێستا وی د مژارا ئاشتی و دیموکراسیێ دا د جهێ خوە دا بوو و گۆت:" ئەز ب نێزیکاتیا وی یا پرسگرێکان گەلەک کەیفخوەش بووم و من دەمیرتاش وەکی دەرفەتەک مەزن بۆ تورکیایێ ددیت و نها ژی دبینم".

شارەدارێ باژارێ ئیستەنبۆلێ دازانین، ژ بەر کو دەمیرتاش پشتگیریا خوە ژ بۆ بەربژارکرنا وی بۆ شارەداریا ئیستەنبۆلێ نێشاندابوو کەیفخوەش بوویە و مرۆڤەکێ وەکی دەمیرتاش کو پشتگیریا وی بکە، جهێ دلخوەشیێ یە.

داخویانیا ئەکرەم ئیمامئۆغلۆ ژ ئالیێ میدیایێن تورکیایێ یێن گرێدایی ئاکەپێ و مەهەپێ ڤە هاتن رەخنەکرن و دەمیرتاش ژی وەکی ئەندامەکێ پەکەکێ هاتە بناڤکرن.

ئەکرەم ئیمامئۆغلۆ د هەلبژارتنێن شارەداریان یێن ٣١ێ ئادارێ یێن تورکیایێ دا، کاری ژ بینالی ییلدرم بەربژارێ ئاکەپێ و مەهەپێ ل ئیستەنبۆلێ دەنگدان زێدەتر ب دەست بخە و وەکی شارەدارێ ئیستەنبۆلێ دست ب کار کر.

هـ.ج