سەرنووچە:

ل ئامەد و مێردینێ د دەما دەنگدانێ دا شەر دەرکەت، ٥ کەس بریندار بوون

فۆتۆ: 
2019-03-31

303 جار خوێندراوەتەوە

ل باژارێن ئامەد و مێردینێ د ناڤبەرا ئالیگرێن پارتیان دا شەر دەرکەت و د ئەنجامێ دا ٥ وەلاتی بریندار بوون.

ل گۆری میدیایێن تورکیایێ ل ناڤچەیا کایاپنار یا ئامەدێ د دەمەکی دا کو موختارەکی پسولەیێن هەلبژارتنێ ب سەر دەنگدەران دا بەلاڤ دکر، شەر د ناڤبەرا وی موختاری و موختارەک دن دا دەرکەتیە.

د ئەنجاما شەر دا ٢ کەس بریندار بوونە و هەژمارەک کەس ژی هاتنە گرتن.

ل تاخا دارا یا مێردینێ ژی د ئەنجاما گۆتوبێژێن ناڤبەرا هەژمارەک موختار و وەلاتیان دا کو ڤەگەریا شەر، ٢ کەس ب دار و کەڤران هاتن بریندار کرن، کو رەوشا کەسەک ژ وان گرانە.

ئیرۆ ل ناڤچەیا پورتورگێ یا باژارێ مەلەتیا باکورێ کوردستانێ ژی شەر د ناڤبەرا دوو گرۆپان دا دەرکەتبوو و د ئەنجامێ دا دوو کەس هاتن کوشن و کەسەک ژی بریندار ببوو.

ئیرۆ هەلبژارتنێن شارەداریان ل باکورێ کوردستان و تورکیایێ برێڤە دچن کو نیزیکی ٥٧ ملیۆن کەس دکارن بەشداری هەلبژارتنان ببن.

هـ.ج