سەرنووچە:

هەژمارا قوربانیێن لەهیا شیرازێ بلندبوو

یەک ژ دیمەنێن بوویەرێن ژ ئەنجاما لەهیێ دروستبووین
فۆتۆ: ئاژانسێن نووچەیی
2019-03-26

489 جار خوێندراوەتەوە

بسەدەما بارانبارین و ڕابوونا لەهیێ ل باژارێ شیرازا ئیرانێ، ٢١ وەلاتیان جانێ خۆ ژدەست دا و ١١٠ کەسێن دی ژی برینداربوون.

سەرۆکێ هێزا لهەوارچوونا پارێزگەها فارس ڕاگەهاند، هەیا نها ١١٠ کەس بسەدەما لەهیێ بۆ نەخۆشخانەیێ شاندنە و ٢١ تەڕم ژی هاتنە دیتن کو هەر ب وێ سەدەمێ جانێ خۆ ژدەستدانە.

هەڤدەم ئاژانسا نووچەیی یا میهریا ئیرانی دازانین، بسەدەما بارانبارین و بەفرێ د زێدەتری ١٣ پارێزگەهێن ئیرانێ دا ٢٢ ڕێکێن سەرەکی یێن ناڤبەرا باژاران دا هاتنە گرتن و ئاستەنگی بۆ هاتنوچوونا وەلاتیان دروستبوویە.

هەڤدەم پۆلیسێن هاتنوچوونا ئیرانێ دەربارەی داخستنا وان ٢٢ ڕێکان هۆشداری ب وەلاتیان دا و داخواز کر وان ڕێکان بکارنەئینن.

هەڤدەم میدیایێن ئیرانێ ڕاگەهاندنە، ب کۆژمێ زێدەتری ٦٨ ملیار تمەنان زرار بەر ب دەڤەرا دالەهۆیا ڕۆژهەلاتا کوردستانێ کەفتیە.

ڕێکخراوا سەقاناسیا وی ولاتی ژی هۆشداری دایە لسەر بەردەوامیا وێ پێلا کو پڕانیا دەڤەرێن باشوور و ڕۆژئاڤایێ ئیرانی گرتی د ڕۆژانێن داهاتی دا.

س.م