سەرنووچە:

ئیسرائیلی بارەگەهێ سەرۆکێ بزاڤا حەماس ب تەمامی وێرانکر

یەک ژ دیمەنێن هێرشێن ئیسرائیلێ بۆ سەر کەرتێ غەزە
فۆتۆ: ئاژانسێن نووچەیی
2019-03-25

566 جار خوێندراوەتەوە

ئارتێشا ئیسرائیلێ ڕاگەهاند، پشتی هێرشا موشەکیا بزاڤا حەماسێ بۆ سەر ئیسرائیلێ، زنجیرەیەکا هێرشێن ئەسمانی کرنە سەر کەرتێ غەزەیا فەلەستینێ و چەند پێگەهێن حکومی و سیاسیێن بزاڤا حەماسێ بۆمبەبارانکرنە، هەری دیار ژی نڤیسینگەها تایبەتا ئیسماعیل هەنییە سەرۆکێ مەکتەبا سیاسیا بزاڤا حەماسێ بوویە.

ئەفخای ئەدرعی پەیڤداری ئارتێشا ئیسرائیلێ هۆشداری ب وەلاتیێن کەرتێ غەزا دا کو ژ بارەگەهـ و بنگەهێن سەر ب بزاڤا حەماس ل تەڤایا کەرتێ غەزە دووربکەڤن.

ڕادیۆیا بزاڤا حەماس ژی بۆمبەبارانا نڤیسینگەها تایبەت یا هەنیەی پشتڕاستکر کو بوویە ئارمانجا سێ موشەکان و ب تەمامی ژناڤبریە و چەند گرۆپێن فەلەستینی ژی ڕاگەهاند، زنجیرەیەکا هێرشان بۆ سەر چەند باژاڕۆکێن ئیسرائیلێ پێکئینانە .

ژ دیارترین وان دەڤەرێن کەرتێ غەزە کو ئیسرائیلێ هێرشکریە سەر و ب تەمامی ژناڤبرین، پێگەهێ ئاڤی یێ باکورێ کەرتێ غەزە، بارەگەهێ ئاسایشا ناڤخۆ یا حەماسێ ل تاخێ "ڕیمال" یێ غەزە و جهێ مانەڤا لیوایێن ناسر سەلاحەدین ل دەڤەرێن چاندنیێ یێن سەرتاسەریا کەرتێ غەزەیێ بوونە.

هەروەسا وێرانکرنا کۆمپانیا "ئەلمولتەزیم" ب تەمامی، دەڤەرا بەیت حانون یا سەربازیا سەر ب کەتیبەیێن قەسام و چەند دەڤەرێن دی یێن جودا جودایێن کەرتێ غەزە کو هێشتا نەهاتنە زانین.

دەربارەی زرارێن جانی یێن وان هێرشان، ب گۆتنا وەزارەتا ساخلەمیا حەماسێ ل غەزەیێ هەیا نها پێنج وەلاتی برینداربوونە.

ژ ئالیەکی دی ڤە فەوزی بەرهوم پەیڤدارێ بزاڤا حەماس گەف ژ ئیسرائیلێ کرنە و ڕاگەهاند، باجا وان بۆمبەبارانێن ئەڤرۆ بۆ سەر کەرتێ غەزە دێ گەلەک مەزنتربیت کو دەستهەلاتدارێن ئیسرائیلێ پێشبینی دکەن.

س.م