سەرنووچە:

ترەمپ: ئەڤشەڤە داعش ژ ناڤ دچە

فۆتۆ: 
2019-03-21

449 جار خوێندراوەتەوە

دۆناڵد ترەمپ راگەهاند، ئەڤشەڤە داعش ل سەر نەخشەیێ تێ ژێبرن و ژ ناڤ دچە.

دۆناڵد ترەمپ سەرۆکێ ئەمریکایێ د کۆنفرانسەکا رۆژنامەڤانی دا ل کۆشکا سپی نەخشەیا جهێ بەلاڤبوونا داعشێ نیشانی رۆژنامەڤانان دا و دیار کر، ئەڤ یەک نەخشەیا بەلاڤبوونا داعشێ د سالا ٢٠١٦ێ یە کو ب رەنگێ سۆر هاتیە دیارکرن و نەخشەیا ژێر ژی نەخشەیا نها یە و نها خالەکا سۆر یا بچوک د دەستێ داعشێ دا مایە و ئەڤشەڤە ب دەما ئەمریکایێ داعش ل سەر نەخشەیێ تێ ژێبرن و ژ ناڤ دچە.

ترەمپ رۆژنامەڤان رەخنە کرن و دیار کر، د دەما دوو سالان دا داعش ل سوریا و عێراقێ بداوی هات و ئەڤ یەک ژی سەرکەفتنا وی یە، لێ میدیایێن درۆیان چێدکن، بەحسا ڤێ راستیێ ناکەن.

د ١٩ێ کانونا ٢٠١٨ێ دا دۆنالد ترەمپ سەرۆکێ ئەمریکایێ ب فەرمی ڤەکشاندنا هێزێن خوە ژ سوریایێ راگەهاند و ئەڤ یەک ژی بوو جهێ نەرازیبوونان د ناڤ ئەمریکا و دەرڤەیی ئەمریکایێ دا.

هـ.ج