سەرنووچە:

تورکیا.. وەلاتیێن عێراقێ د ڕێزبەندیا یەکەمین یا کڕینا مولکان دانە

فۆتۆ: 
2019-03-20

289 جار خوێندراوەتەوە

وەلاتیێن عێراقێ د رێزبەندیا یەکەمین یا کڕینا مولکان ل تورکیایێ دانە.

ل گۆری نووچەیەکا مالپەرا یەنی شەفەقا کوردی، رێژەیا کڕینا مولکان ل تورکیایێ ژ ئالیێ خەلکێ بیانی ل گۆری سالا دەرباسبوویی ٩٢.١% زێدە بوویە.

دەستەیا ئاماران یا تورکیایێ دازانین، خەلکێ بیانی د مەها سوباتا ٢٠١٩ێ دا سێ هەزار و ٤٧١ مولک کرینە. د دەمەکی دا کو د مەها سوباتا ٢٠١٨ێ دا ب تنێ هەزار و ٧٢٩ مولک ژ ئالیێ کەسێن بیانی ڤە هاتبوون کرین.

دەستەیێ دیار کر، باژارێ ستەنبۆلێ د رێزا یەکەمین یا باژارێن تورکیایێ دایە کو خەلکێ بیانی تێدا مولک کڕینە و کڕینا مولکان ل وی باژاری ١٣٨.٤% زێدە بوویە. ل ستەنبۆلێ سالا دەرباسبوویی ب تەنێ ٤٠٦ مولک هاتنە کرین، لێ ئیسال بۆ هەزار و ٤٤٠ مولکان زێدە بوویە.

هەروەسا ل ئەنتالیایێ ژی ٦٧٢ ، ل ئەنقەرێ ١٩٦ و ل بورسایێ ژی ١٩٢ مولک هاتنە کڕین.

دەستەیا ئاماران یا تورکیایێ راگەهاند، وەلاتیێن عێراقێ د کڕینا مولکان دا ل تورکیایێ د ڕێزا یەکەمین دانە.

هـ.ج