سەرنووچە:

سوریا: ب هێزێ بیت یان گۆتۆبێژان دێ هەر ڕۆژهەلاتا فوراتێ کۆنترۆل کەین

سوریا: ب هێزێ بیت یان گۆتۆبێژان دێ هەر ڕۆژهەلاتا فوراتێ کۆنترۆل کەین
فۆتۆ: ئەرشیڤ
2019-03-18

345 جار خوێندراوەتەوە

وەزیرێ بەرەڤانیا سوریایێ ڕاگەهاند، یان ب گۆتۆبێژان یان ب هێزێ دێ هەر تەڤایا ئاخا سوریایێ بۆ بن دەستهەلاتا دیمەشقێ ڤەگەڕینین.

عەلی عەبدوڵا ئەیوب وەزیرێ بەرەڤانیا سوریایێ د کۆنفرانسەکا ڕۆژنامەڤانی دا دگەل سەرۆک ئەرکانێن هەر یەک ژ عێراق و ئیرانێ تەکەز کر، یان ب گۆتۆبێژان دگەل هەسەدێ یان ب بکارئینانا هێزا سەربازی دێ هەر تەڤایا ئاخا سوریایێ بۆ بن دسەتهەلاتا دیمەشقێ ڤەگەڕینن، یەک بهوست ژ ئاخا سوریایێ دەرڤەی کۆنترۆلا حکومەتێ دا ناهێلن.

عەلی عەبدوڵا ئەیوب گوت ژی، د ڕۆژێن داهاتی دا دێ سنورێ ناڤبەرا عێراق و سوریایێ هێتە ڤەکرن.

ئەو یەک ژی دیارکر، ئارتێشا سوریایێ هێزا پێدڤی بۆ دەرکرنا ئەمریکایێ د دەڤەرا تەنفێ دا هەیە.

هەر د کۆنفرانسا هەڤپشک دا، هەریەک ژ فەرماندارێن ئارتێشا ئیران و وەزیرێ بەرەڤانیا سوریایێ داخواز ژ هێزێن ئەمریکایێ کر هێزێن خۆ د سوریایێ دا ڤەکێشیت.

ئەڤرۆ دووشەمبیێ (١٨ێ ئادارا ٢٠١٩ێ) ڕۆژنامەیا وەتەن یا سوری بەلاڤکر، ب مەرەما گۆتۆبێژکرنا چەوانیا ڕووبرووبوونا تیرۆرێ د ولاتێن وان دا، سەرۆک ئەرکانێن هەریەک ژ سوریا، عێراق و ئیرانی ل دیمەشقێ جڤیان.

س.م