سەرنووچە:

هەڤسەرۆکێ هەدەپێ: ئەم دێ ژ شارەداریێن خوە زێدەتر ب دەست بخن

فۆتۆ: 
2019-03-16

376 جار خوێندراوەتەوە

هەڤسەرۆکێ هەدەپێ راگەهاند، د هەلبژارتنێن ٣١ێ ئادارێ دا، دێ ژ بلی وەرگرتنا شارەداریێن باکورێ کوردستانێ، ب هێزەکا زێدەتر دەرباسی قادا سیاسی ببن.

سەزایی تەمەللی هەڤسەرۆکێ گشتیێ پارتیا دیموکراتیک یا گەلان د جڤینەکا جەماوەری دا ل باژارێ ئیزمیرێ دازانین، پارتیا وی د هەلبژارتنێن شارەداریان یێن ٣١ێ ئادارێ دا دێ هەموو شارەداریان بدەست بخە کو قەیوم ل شوونا وان هاتبوون دانان و دازانین، دێ ب هیزەکا زێدەتر ژی دەرباسی قادا سیاسی ببن.

هەڤسەرۆکێ گشتیێ هەدەپێ دیار کر، ل هەمبەر دەستهەلاتێ کو دێ هەموو دەرفەتێن خوە بۆ دیموکراسیێ بجهـ بینن و شارەداریێن گەل ژی دێ ژ دەستێ دەستهەلاتێ دەربخینن.

هەدەپێ د گەل هەشت پارتیێن دن یێن کوردی ل باکورێ کوردستانێ هەڤپەیمانی چێکریە و ل سەر ناڤێ هەدەپێ بەشداریێ د هەلبژارتنان دا دکن. پارتیا داد و گەشەپێدان "ئاکەپە" و پارتیا نەتەوەپەرست یا گەل "جەهەپێ" ژی ل سەر ناڤێ هەڤپەیمانیا کۆمار دکەڤن هەلبژارتنان. پارتیا گەل یا کۆماری "جەهەپە" و ئییی پارتی ژی ل سەر ناڤێ هەڤپەیمانیا گەل بەشداریێ د هەلبژارتنان دا دکن.

هەدەپێ د سالا ٢٠١٤ێ دا نێزیکی ١١٠ شارەداری ب دەست خستبوون لێ پشتی شەرێ ناڤخوەیی یێ باکورێ کوردستانێ، حکومەتا تورکیایێ دەست ب سەر شارەداریان دا گرت و قەیوم ل شوونا نێزیکی ١٠٠ شارەداریان دانا.

هـ.ج